बाँकेमा कोरोना जित्नेको संख्या ४ सय नाघ्यो

समाचार

गृहपृष्ठ
समाचार
बाँकेमा कोरोना जित्नेको संख्या ४ सय नाघ्यो

बाँकेमा कोरोना जित्नेको संख्या ४ सय नाघ्यो

शनिबार, साउन २४, २०७७ बागेश्वरी पोस्ट

नेपालगन्ज । बाँकेमा कोरोना जित्नेको संख्या ४ सय नाघेको छ । आज थप तीन जना कोरोना संक्रमित निको भएर डिष्चार्ज भएका छन् । यो संगै बाँकेमा कोरोना निको भएर घर फर्कनेको संख्या ४ सय १ पुगेको छ । सुशील कोइराला प्रखर क्यान्सर अस्पताल आइसोलेसनबाट बर्दिया बाँसगढी घर भई नेपालगन्जमा मजदुरी गर्ने नेपालगन्ज १२ मा डेरा गरी बस्ने १९ वर्षीया महिला, नेपालगन्जस्थित आदर्शनगर आइसोलेसनबाट त्रिभुवन चोकमा मिठाई पसल गर्ने नेपालगन्ज ११ का ३९ वर्षीय पुरुष र आन्तरिक राजश्व कार्यालय आइसोलेसनबाट जुम्ला घर भई आन्तरिक राजश्व कार्यालय नेपालगन्जमा कार्यरत ३३ वर्षीय अधिकृत पुरुष निको भएर डिष्चार्ज भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । अब आइसोलेसनमा बाँकेका १ सय ४६ जना र बाहिरी जिल्लाका ४ जना गरी १ सय ५० जना छन् । बाँकेमा हालसम्म ५ सय ४९ जनामा कोरोना संक्रमण पुष्टि भएको छ । ती मध्ये २ जनाको मृत्युु भएको छ ।

प्रकाशित मिति: शनिबार, साउन २४, २०७७ ०९:४२

प्रतिक्रिया दिनुहोस्