खजुराको आइसोलेसन भेरीमा सारिँदै, प्रजिअ र उपप्रमुखद्वारा अनुगमन

समाचार

गृहपृष्ठ
समाचार
खजुराको आइसोलेसन भेरीमा सारिँदै, प्रजिअ र उपप्रमुखद्वारा अनुगमन

खजुराको आइसोलेसन भेरीमा सारिँदै, प्रजिअ र उपप्रमुखद्वारा अनुगमन

शुक्रबार, साउन ३०, २०७७ बागेश्वरी पोस्ट

नेपालगन्ज । प्रदेश सरकारले बाँकेको खजुरास्थित सुशील कोइराला प्रखर क्यान्सर अस्पतालमा रहेकाे काेराेना आइसोलेसन अस्पताललाई भेरी अस्पतालमा संचालन गर्ने निर्देशन अनुसार आज प्रमुख जिल्ला अधिकारी रामबहादुर कुरूम्वाङ र नेपालगंज उपमहानगरपालिकाका उपप्रमुख उमा थापा मगरले स्थलगत अनुगमन गर्नुभएकाे छ ।

भेरी अस्पतालमा निर्माण भएकाे नयाँ भवनमा संचालन हुने आइसोलेसन अस्पतालकाे तयारीकाे बारेमा भेरी अस्पतालका अध्यक्ष प्रमाेद धिताल, मेडिकल सुपरिटेण्डेण्ट डा. प्रकाश थापा र वरिष्ठ चिकित्सक डा.श्याम सुन्दर यादवले जानकारी गराउनुभएकाे थियाे ।

भेरी अस्पतालमा करिव एक हप्ताभित्र आइसोलेसन संचालनमा आउने गरी तयारी तीब्र गतिमा भइरहेकाे छ । साथै काेराेना परिक्षण ल्यावकाे समेत अनुगमन गरी ल्यावमा खटिइरहनुभएका कर्मचारीलाई प्रमुख जिल्ला अधिकारी कुरूम्वाङ र उपप्रमुख थापा मगरले २४ घण्टाकाे उर्जाशील खटाई, पेशाप्रतिकाे निष्ठा, मातृभूमिप्रतिकाे कर्तव्यवाेध देख्दा उहाँहरूकाे भन्दा आफूहरुको मनाेवल उच्च भएकाे बताउनुभएकाे छ ।

प्रकाशित मिति: शुक्रबार, साउन ३०, २०७७ १६:३५

प्रतिक्रिया दिनुहोस्