कोरोना देखिएपछि बन्द रहेका बाँकेका सरकारी कार्यालय खुले

समाचार

गृहपृष्ठ
समाचार
कोरोना देखिएपछि बन्द रहेका बाँकेका सरकारी कार्यालय खुले

कोरोना देखिएपछि बन्द रहेका बाँकेका सरकारी कार्यालय खुले

आइतबार, साउन ३२, २०७७ बागेश्वरी पोस्ट

नेपालगन्ज उप–महानगरपालिका

नेपालगञ्ज । कर्मचारीलाई कोरोना देखिएपछि बन्द रहेका बाँकेका सरकारी कार्यालय आजदेखि खुलेका छन् । नेपालगञ्ज उपमहानगरपालिका, यातायात कार्यालय र आन्तरिक राजश्व कार्यालय आजदेखि खुलेका हुन् । स्वास्थ्य सुरक्षाका मापदण्ड अपनाएर कार्यालय खोलिएका हुन् ।

जनप्रतिनिधि र कर्मचारीमा कोराना देखिएपछि साउन १९ गतेदेखि शिल गरिएको नेपालगञ्ज उपमहानगरपालिकाको कार्यालय आजदेखि सुचारु भएको हो । आजैदेखि वडा कार्यालय पनि खुलेका छन् ।

त्यस्तै कर्मचारी र परिवारका सदस्य गरी १२ जनामा कोरोना देखिएपछि साउन ११ गतेदेखि बन्द रहेको आन्तरिक राजश्व कार्यालय पनि आजदेखि खुलेको छ । आधा कर्मचारीबाट मात्र सेवा सुचारु गरेको कार्यालय प्रमुख प्रकाश पौडेलले जानकारी दिनुभयो । कोरोना संक्रमित कर्मचारीलाई अझै सात दिन होम आइसोलेसनमै बस्ने ब्यवस्था मिलाएको बताउँदै उहाँले बाँकि रहेका कर्मचारीबाट कार्यालयको सेवा शुरु गरिएको बताउनुभयो ।

यस्तै यातायात कार्यालय पनि आजदेखि खुलेको छ । कार्यालय खुलेपनि सेवा भने अझै सुचारु गरिएको छैन । यातायात कार्यालय पनि साउन १२ गतेदेखि बन्द थियो ।

प्रकाशित मिति: आइतबार, साउन ३२, २०७७ १२:५५

प्रतिक्रिया दिनुहोस्