गायत्रीनगरका सुकुम्वासीलाई राहत

समाचार

गृहपृष्ठ
समाचार
गायत्रीनगरका सुकुम्वासीलाई राहत

गायत्रीनगरका सुकुम्वासीलाई राहत

बुधबार, भदौ ३, २०७७ बागेश्वरी पोस्ट

नेपालगञ्ज । नेपालगञ्ज—२० मनिकापुर गायत्रीनगरमा बसोबासरत सुकुम्वासी/भूमीहिनलाई आज राहत वितरण गरिएको छ । कोरोनाको बढ्दो संक्रमणका बीच निरन्तरको लकडाउन र बेला बेला गरिएको निषधाज्ञाले मजदुरी गरेर जीवन निर्वाह गर्नेहरुलाई खाना खान समेत समस्या परिरहेका बेला नेवा साइक्लिङ नेपालगञ्ज परिवारले चामल लगायतको राहत उपलव्ध गराएको हो । आदर्श माविको जग्गामा बसोवास गरिरहेका परिवारहरुलाई वडा नं. २० वडा समिति कार्यालयको अग्रसरता र सम्वाद समूह, बाँकेको सम्वाद सहजीकरणपछि हालै नजिकै नाला किनारमा स्थानान्तरण गरिएको थियो । लकडाउन भएपछि दैनिक खाना खान समेत समस्या परेको समाचारहरु सार्वजनिक भएपछि आज ९० घरपरिवारलाई राहत दिइएको हो । राहतमा २० केजी चामल, एक पोका तेल, एक प्याकेट सोयाविन, एक प्याकेट नुन, एक प्याकेट चना रहेको छ । दिनभर काम गरेर साँझपख जोहो गर्ने मध्ये अधिकांश अपांङग, असक्त, एकल महिला परिवार रहेका छन् । नेपालगञ्ज १२ निवासी टेक बहादुर पुनको संयोजनमा अष्ट्रेलिया निवासी सुवास श्रेष्ठ र श्रीमती डेलीआना श्रेष्ठद्वारा वडा नं. २० वडा समिति कार्यालयको समन्वयमा सहयोग गरिएको हो । एक समारोह वीच नेपालगञ्ज उपमहानगरपालिकाका नगर प्रमुख डा. धवल शमशेर राणााले राहत प्रदान गर्दै मानवीय सेवाले जीवनयापनमा उर्जा थप्ने विश्वास व्यक्त गर्नुभयो । नेवा साइक्लिङ अध्यक्ष चन्द्र श्रेष्ठको अध्यक्षतामा भएको कार्यक्रममा वडा अध्यक्ष कृष्ण बहादुर कार्की, सम्वाद समूह बाँकेका सहजकर्ता एवं पत्रकार शुक्रऋषि चौलागाई, कार्यक्रम संयोजनकर्ता टेक बहादुर पुन, नेपालगञ्ज साइक्लिङ क्लवका अध्यक्ष गगन थापा, नेवा साइक्लिङका सदस्य जितेन्द्र जोशी, स्थानीय अगुवा लाल बहादुर परियार लगायतका अतिथिले राहत प्रदान गर्नुभएको हो ।

प्रकाशित मिति: बुधबार, भदौ ३, २०७७ २१:५६

प्रतिक्रिया दिनुहोस्