हिन्दु नारीहरुले तीज मनाउँदै तर छैन रौनक र उल्लास

समाचार

गृहपृष्ठ
समाचार
हिन्दु नारीहरुले तीज मनाउँदै तर छैन रौनक र उल्लास

हिन्दु नारीहरुले तीज मनाउँदै तर छैन रौनक र उल्लास

शुक्रबार, भदौ ५, २०७७ बागेश्वरी पोस्ट

नेपालगन्ज । हिन्दु नारीहरुको महान पर्व हरितालिका तीज आज मनाईँदैछ । नाचगान र पूजा उपासना गरेर तीज मनाइन्छ। आज व्रत बसेर शिव पार्वतीको पूजा आराधना गरेमा सुख, शान्ति र कल्याण प्राप्ति हुने धार्मिक विश्वास छ । गएराति मिठा एवं पाेषिला परिकार दरका रुपमा खाएर व्रतको पूर्व तयारी गरेका व्रतालु आज बिहानै व्रत बसेर शिवालयमा गएर पूजाआजा गर्छन् । महिलाले वर्ष दिनभर आफूलाई परेका दुःख, पीर, मर्कालाई पोख्ने पर्वका रुपमा समेत तीजलाई लिने गरेका छन् । तीजको अवसरमा गीतका माध्यमबाट यस्ता पीर मर्कालाई महिलाले सार्वजनिक गर्ने चलन छ । तर, यो वर्ष कोरोना भाइरसको महामारीले गर्दा देशभरका शिवालय बन्द भएपछि महिलाहरुले घरमै बसेर पूजाआजा गरिरहेका छन् । मन्दिरहरु सुनसान छन् । नाचगान र उल्लास छैन । कयौं ठाउँमा निषेधाज्ञा र लकडाउन समेत हुँदा तीजको रौनक घरभित्रै सीमित छ । बाँकेमा पनि तीजको रौनक छैन ।

प्रकाशित मिति: शुक्रबार, भदौ ५, २०७७ ११:२६

प्रतिक्रिया दिनुहोस्