प्यूठानका कोरोना संक्रमितको बुटवल कोरोना अस्पतालमा मृत्यु

समाचार

गृहपृष्ठ
समाचार
प्यूठानका कोरोना संक्रमितको बुटवल कोरोना अस्पतालमा मृत्यु

प्यूठानका कोरोना संक्रमितको बुटवल कोरोना अस्पतालमा मृत्यु

शुक्रबार, भदौ ५, २०७७ बागेश्वरी पोस्ट

नेपालगन्ज । बुटवलको कोरोना विशेष अस्पतालमा प्यूठानका कोरोना संक्रमितको मृत्यु भएको छ । प्यूठानको स्वर्गद्वारी नगरपालिका–७ का ६४ वर्षीय पुरुषको आज बिहान मृत्यु भएको हो । भदौ १ गते अस्पतालमा भर्ना भएका उनको भेन्टिलेटरको सहायतामा उपचार भइरहेकोमा आज बिहान साढे ६ बजेतिर मृत्यु भएको अस्पतालका कोरोना फोकल पर्सन डा. सुदर्शन थापाले बताउनुभयो । भारतबाट रोजगारी गरेर फर्किएका उनी नगरपालिकाले बनाएको क्वारेन्टिनमा बसेका थिए । स्वाबको पिसिआर परिक्षणमा कोरोना पुष्टि भएपछि प्यूठानमै उपचार भइरहेकोमा ज्वरो, खोकी र श्वासप्रश्वासमा समस्या देखिएपछि बुटवल लगिएको थियो । उनमा मधुमेह र उच्च रक्तचापको समस्या समेत रहेको बताइएको छ । उपचारकै क्रममा उनलाई निमोनिया पनि देखिएको अस्पतालले जनाएको छ ।

प्रकाशित मिति: शुक्रबार, भदौ ५, २०७७ ११:४६

प्रतिक्रिया दिनुहोस्