माल्यार्पणसहित औतारदेईको स्मरण

समाचार

गृहपृष्ठ
समाचार
माल्यार्पणसहित औतारदेईको स्मरण

माल्यार्पणसहित औतारदेईको स्मरण

शनिबार, भदौ ६, २०७७ बागेश्वरी पोस्ट

नेपालगञ्ज । दानवीर एवं समाजसेवी स्व. औतारदेई कशौधन (चौधराइन)को १० औं स्मृति दिवसमा माल्यार्पण गरिएको छ ।

नेपालगञ्जमा शिक्षा र स्वास्थ्यको क्षेत्रमा आफ्नो करोडौंको सम्पति दान गरेर उदाहरणीय बनेकी स्वर्गीय चौधराइनको भदौ ६ गते स्मृति दिवस मनाइँदै आइएको छ । कोरोनाको महामारीलाई मध्यनजर गर्दै भेला लगायतका भव्य कार्यक्रम नगरिएपनि आज विहान भेरी अस्पताल परिसरमा रहेको चौधराइनको प्रतिमामा माल्यार्पण गर्दै योगदानको बारेमा चर्चा गरिएको हो । उहाँको योगदानको स्मरण गर्दै भेरी अस्पताल विकास समितिले स्मृति दिवस गरेको हो ।

वि.सं. १९५४ मा जन्मिएकी चौधराइनको २०२८ भदौ ६ गतेका दिन निधन भएको थियो । स्व. चौधराइनले स्थानीय महेन्द्र बहुमुखी क्याम्पस, भेरी अस्पताल, नारायण मावि, जिल्ला स्वास्थ्य कार्यालयलाई जग्गा दान गरेर शिक्षा र स्वास्थ्य क्षेत्रको विकासमा योगदान पु¥याउनु भएको थियो ।

कार्यक्रमका प्रमुख अतिथि पूर्वमन्त्री मो. इस्तियाक राईले औतारदेईको योगदानको अभिलेखीकरणसँगै सम्पतिको संरक्षण र सम्बर्द्धन गर्नुपर्ने दायित्व सबैको हुनुपर्ने आवश्यकता औंल्याउनुभयो । सांसद समेत रहनुभएका राईले चौधराइनले देखाएको सेवाभाव र सत्मार्गमा लाग्न पनि अपिल गर्नुभयो ।

अस्पताल विकास समितिका अध्यक्ष प्रमोद धितालको सभापतित्वमा भएको कार्यक्रममा अस्पतालका मेडिकल सुपरिटेन्डेन्ट डा. प्रकाश थापा, चौधराइनका भतिजा एवं प्रतिष्ठानका कोषाध्यक्ष राधेश्याम वैश्यले औतारदेईले शिक्षा, स्वास्थ्य र समाज सेवामा पु¥याएको योगदानको चर्चा गर्नुभएको थियो ।

यसैबीच राई लगायत चिकित्सकको टोलीले अस्पतालमा निर्माण गर्न लागिएको आइसोलेसन वार्डको समेत अवलोकन गर्नुभएको थियो ।

प्रकाशित मिति: शनिबार, भदौ ६, २०७७ २२:०२

प्रतिक्रिया दिनुहोस्