बाँकेमा 'डिष्चार्ज' हुने संख्या बढ्यो, आज ४६ जना घर गए

समाचार

गृहपृष्ठ
समाचार
बाँकेमा 'डिष्चार्ज' हुने संख्या बढ्यो, आज ४६ जना घर गए

बाँकेमा 'डिष्चार्ज' हुने संख्या बढ्यो, आज ४६ जना घर गए

आइतबार, भदौ ७, २०७७ बागेश्वरी पोस्ट

नेपालगञ्ज । बाँकेमा कोरोना भाइरस संक्रमणबाट निको हुनेहरुको संख्या बढ्दै गएको छ ।

पछिल्ला दिनहरुमा कोरोनामुक्त भएर घर फर्कनेहरु बढेका छन् । आज पनि जिल्लाका विभिन्न आइसोलेसनबाट ४६ जना कोरोनामुक्त भएर घर गएका छन् । जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार आज वडा प्रहरी कार्यालय नेपालगञ्ज आइसोलेसनबाट ३३ जना, सिटी प्यालेस होटलबाट ४ जना, खुल्ला कारागार गनापुर आइसोलेसनबाट ३ जना तथा नेपालगञ्ज आदर्शनगर आइसोलेसन, लायन्स डेण्टल अस्पताल, भेरी अस्पताल, सुशील कोइराला प्रखर क्यान्सर अस्पताल, होटल इन्द्रेणी र चिसापानी आइसोलेसनबाट १/१ जना डिष्चार्ज भएका छन् ।

यो संगै बाँकेमा कोरोना भाइरस संक्रमणबाट निको भई घर फर्कनेको संख्या ६ सय १४ पुगेको छ । अब आइसोलेसनमा बाँकेका २ सय ३ र अन्य जिल्लाका ४ जना गरी २ सय ७ जना छन् ।

हालसम्म जिल्लामा ८ सय २१ जनामा कोरोना पुष्टि हुँदा ४ जनाको भने मृत्यु भइसकेको छ ।

प्रकाशित मिति: आइतबार, भदौ ७, २०७७ ०७:४४

प्रतिक्रिया दिनुहोस्