नेकपाको महाधिवेशनको कार्यतालिका सार्वजनिक

राजनीति

गृहपृष्ठ
राजनीति
नेकपाको महाधिवेशनको कार्यतालिका सार्वजनिक

नेकपाको महाधिवेशनको कार्यतालिका सार्वजनिक

आइतबार, भदौ ७, २०७७ बागेश्वरी पोस्ट

नेपाल कम्युनिष्ट पार्टी (नेकपा) मुख्यालय

नेपालगन्ज । सत्तारुढ नेपाल कम्युनिस्ट पार्टी (नेकपा) महाधिवेशनको तयारीमा जुट्ने भएको छ ।

जेठ, २०७५ मा तत्कालीन नेकपा (एमाले) र माओवादी केन्द्र मिलेर बनेको नेकपाले चैत, २०७७ सम्ममा महाधिवेशन गर्ने तयारी गरेको हो ।

महाधिवेशनको तयारीका लागि नेकपाले कार्यतालिका नै सार्वजनिक गरेको छ । जसअनुसार आगामी असोजसम्म पार्टी सदस्यता नविकरण गर्ने, मंसिरसम्म गाउँ, नगर अधिवेशन सम्पन्न गर्ने तयारी छ ।

यस्तै पुस–माघसम्ममा जिल्ला अधिवेशन सक्ने र फागुनसम्म प्रदेश अधिवेशन सम्पन्न गर्ने कार्यतालिका रहेको छ । प्रदेश अधिवेशनपछि चैतमा महाधिवेशन गर्नेगरी कार्यलातिका बनाइएको छ ।

यो कार्यतालिकाअनुसार पार्टी सचिवालय, स्थायी कमिटी हुँदै केन्द्रीय समितिले मिति तय गर्ने उल्लेख छ । सत्तारुढ नेकपाभित्र तीव्र बनेको विवाद समाधानका लागि समेत महाधिवेशनमा जाने तयारी भएको हो ।

पार्टी स्थायी कमिटीको बैठकमा अध्यक्ष तथा प्रधानमन्त्री केपी शर्मा ओलीलाई शीर्ष नेताले नै दुवै पदबाट राजीनामा दिन आग्रह गरेपछि ओलीले अर्ली महाधिवेशनको प्रस्ताव गरेका थिए ।

प्रकाशित मिति: आइतबार, भदौ ७, २०७७ १४:०९

प्रतिक्रिया दिनुहोस्