अध्यक्ष बेहनाको कमालले फेला पार्‍यो चोरी भएको मोटसाइकल

समाचार

गृहपृष्ठ
समाचार
अध्यक्ष बेहनाको कमालले फेला पार्‍यो चोरी भएको मोटसाइकल

अध्यक्ष बेहनाको कमालले फेला पार्‍यो चोरी भएको मोटसाइकल

सोमबार, भदौ ८, २०७७ बागेश्वरी पोस्ट

नेपालगन्ज । नेपालगन्ज वडा नम्बर ४ का अध्यक्ष मो. सफिक बेहनाको कमालले चोरी भएको मोटरसाइकल फेला परेको छ।

गत दुई महिनादेखि नेपालगन्ज ४ गौसिया मस्जिद अगाडिदेखि चोरी भएको मोटरसाइकल आज फेला परेको छ। गत असार महिनामा गैसिया मस्जिद अगाडि पार्किङ गरेर राखिएको मोटरसाइकललाई नेपालगन्ज ६ फुल्टेक्राका एक युवकले चोरेर लगेपछि अध्यक्ष बेहना आफै पत्ता लगाउन लागिपरेका थिए।

अध्यक्ष बेहनाले जेठ महिनामा मात्रै आफ्नो वडा भित्र सिसी टिभी जडान गरेपछि मोटरसाइकल फेला परेको हो। पीडितले प्रहरीमा निबेदन दिए पश्चात् अध्यक्ष बेहनाले आफ्नै वडाको मुख्य कन्ट्रोलमा हेर्दा आज मोटरसाइकल फेला परेको हो।

चोरी कसले गर्‍यो भन्ने जानकारी पाए पश्चात् निजको घरमा प्रहरीसहित गएर अध्यक्ष बेहनाले सम्बन्धित पीडितलाई मोटरसाइकल हस्तान्तरण गरेका हुन। चोरी गर्ने ब्यक्तिले मोटरसाइकल घरमै लुकाएर निज युवक दिल्लीमै रहेको उनकी आमाले बताइन् ।

अध्यक्ष बेहनाले मोटरसाइकल हस्तान्तरण गर्दै अब सबै स्थानमा सिसी टिभी जडान गर्ने बताए।

प्रकाशित मिति: सोमबार, भदौ ८, २०७७ २२:३७

प्रतिक्रिया दिनुहोस्