कोभिड अस्पतालका लागि संघद्वारा ५ लाख ५१ हजार सहयोग

समाचार

गृहपृष्ठ
समाचार
कोभिड अस्पतालका लागि संघद्वारा ५ लाख ५१ हजार सहयोग

कोभिड अस्पतालका लागि संघद्वारा ५ लाख ५१ हजार सहयोग

मंगलबार, भदौ ९, २०७७ बागेश्वरी पोस्ट

नेपालगन्ज । नेपालगन्ज उद्योग वाणिज्य संघले भेरी अस्पतालमा निर्माणाधीन कोभिड-१९ बिशेष आइसोलेसन अस्पतालका लागि ५ लाख ५१ हजार रुपैयाँ सहयोग गरेको छ । संघका अध्यक्ष अब्दुल वाहिद मन्सुरी 'चुन्ना'ले आज कोभिड-१९ बिशेष आइसोलेसन अस्पतालका लागि प्रमुख डा. श्यामसुन्दर यादवलाई उक्त रकमको चेक हस्तान्तरण गर्नुभएको हो। महामारीको समयमा सामाजिक उत्तरदायित्व सम्झेर संघले आर्थिक सहयोग गरेको अध्यक्ष मन्सुरीले बताउनुभयो । आइसोलेसन अस्पताल निर्माणका लागि आर्थिक सहयोग गरेकोमा कोभिड-१९ बिशेष अस्पतालका प्रमुख डा. यावदले संघलाई धन्यवाद दिनुभएको छ । उहाँले प्राप्त आर्थिक सहयोगको सही सदुपयोग हुनेमा ढुक्क रहन आग्रह गर्नुभयो । बाँकेका प्रमुख जिल्ला अधिकारी रामबहादुर कुरुम्बाङ्गले बाँकेमा कोरोना संकट समाधानमा निजी क्षेत्रले महत्वपूर्ण भूमिका निभाएको भन्दै प्रशंसा गर्नुभयो । रकम हस्तान्तरण कार्यक्रममा बाँकेमा प्रहरी प्रमुख ओम राना, नेपालगन्ज उद्योग वाणिज्य संघका महासचिव चिरञ्जीवी ओली, निवर्तमान अध्यक्ष नन्दलाल बैश्य, भेरी अस्पतालका मेसु डा. प्रकाश थापा, संघका पदाधिकारी, एशोसियट सदस्य एवं कार्यसमिति सदस्यको सहभागिता रहेको थियो ।

प्रकाशित मिति: मंगलबार, भदौ ९, २०७७ २१:०१

प्रतिक्रिया दिनुहोस्