नेपालगञ्जमा कोरोना संक्रमणबाट थप एक जनाको मृत्यु

समाचार

गृहपृष्ठ
समाचार
नेपालगञ्जमा कोरोना संक्रमणबाट थप एक जनाको मृत्यु

नेपालगञ्जमा कोरोना संक्रमणबाट थप एक जनाको मृत्यु

बिहीबार, भदौ ११, २०७७ बागेश्वरी पोस्ट

सांंकेतिक तस्बिर

नेपालगञ्ज । नेपालगञ्जमा कोरोना संक्रमणबाट थप एक जनाको मृत्यु भएको छ । नेपालगञ्ज उपमहानगरपालिका वडा नम्बर ७ की ७० बर्षीया महिलाको आज विहान साढे १० बजे उचचारका क्रममा मृत्यु भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो ।

दुबै फोक्सोमा निमोनिया भएकी ती महिला छातीमा समस्या भएपछि भदौ ३ गते नेपालगञ्ज मेडिकल कलेजमा भर्ना भएकी थिइन् । कोरोनाको आशंकामा भदौ ३ गते नै पिसिआर परिक्षणका लागि उनको स्वाब लिइएको थियो । भदौ ५ गते उनको रिपोर्ट पोजिटिभ आएको थियो । उनको स्वास्थ्य अवस्था विग्रिँदै गएपछि भदौ ६ गते नेपालगञ्ज मेडिकल कलेज कोहलपुरमा सारेर भेन्टिलेटरमा उपचार भइरहेको थियो । यसअघि नेपालगञ्जमै दुई जनाको मृत्यु भइसकेको छ । ३७ बर्षीय र ६२ बर्षीय पुरुषको मृत्यु भइसकेको छ ।

बाँकेमा अब कोरोना संक्रमणबाट मृत्यु हुनेको संख्या ६ पुगेको छ । नेपालगञ्जमा ३, नरैनापुर, कोहलपुर र बैजनाथमा एक एक जनाको मृत्यु भएको छ ।

प्रकाशित मिति: बिहीबार, भदौ ११, २०७७ १२:४७

प्रतिक्रिया दिनुहोस्