नरैनापुरमा अन्तरसम्वाद, मोहर्रममा सजगतासँगै सतर्कता अपनाइने

समाचार

गृहपृष्ठ
समाचार
नरैनापुरमा अन्तरसम्वाद, मोहर्रममा सजगतासँगै सतर्कता अपनाइने

नरैनापुरमा अन्तरसम्वाद, मोहर्रममा सजगतासँगै सतर्कता अपनाइने

बिहीबार, भदौ ११, २०७७ बागेश्वरी पोस्ट

नेपालगञ्ज । मुस्लिम धर्मावलम्वीको मोहर्रमलाई मध्यनजर गर्दै सजगता र सतर्कता अपनाइने सम्वद्ध अधिकारीले बताएका छन् ।

कोभिड-१९ को परिस्थितिका बीच नजिकिएको मोहर्रमा हुन सक्ने भिडभाडलाई व्यवस्थित गर्दै थप सजग हुनुपर्ने आवश्यकता औंल्याइएको छ । विवाद, द्वन्द व्यवस्थापनमा क्रियाशील सवाद समूह बाँके अन्तर्गत सम्वाद सहयोगी समूह नरैनापुरले १४ गतेको मोहर्रम सम्भावित तयारी र सतर्कताबारे आज नरैनापुरमा गरेको सरोकारकारवालासँगको अन्तरसम्वादमा सो कुरा औंल्याइएको हो ।

जनप्रतिनिधि, सुरक्षा प्रतिनिधि, मौलाना, सम्वाद सदस्यसहितको अन्तरक्रियात्मक सम्वादमा आइतबार मनाइने मोहर्रममा यसपाली भिडभाड हुन नदिन माइकिङ लगायतको तयारी गर्ने निर्णय गरिएको छ । सामाजिक दुरी कायम राख्न माइकिङ गर्ने, ताजिया सेलाउन सिमित व्यक्ति जाने र ¥याली लगायतका क्रियाकलाप नगर्ने, साँझ ६ वजेसम्म मोहर्रका सम्पूर्ण क्रियाक्लाप समापन गर्ने, शान्ति, सद्भभाव कायमका लागि वडा अध्यक्ष, सुरक्षा अधिकारी सहित स्थलगत निरिक्षण गर्ने लगायतका निर्णय भएको सम्वाद सहयोगी समूहका संयोजक एवं सहजकर्ता मकबुल मुकेरीले जानकारी दिनुभयो ।

अन्तर सम्वादमा वडा नं. २ का अध्यक्ष मसुद अहमद शाह, वडा नं. ४ का वडा अध्यक्ष दिनेश प्रसाद शर्मा, इलाका प्रहरी कार्यालय नैरनापुरका प्रहरी नायव निरिक्षक श्याम राज अर्याल, विओपी नरैनापुरका सशस्त्र प्रहरी निरिक्षक नरेश सुवाल बाटा, मौलाना सेहेर आलम दर्जी, मुस्लिम अगुवा अरिफ मोहम्मद खाँ, सम्वाद सहयोगी सदस्यहरु अजय कुमार मिश्रा, सुरज श्रीवास्तव लगायतको सहभागिता रहेको थियो ।

सम्वाद समूह बाँकेले विभिन्न चाडपर्वमा हुन सक्ने सम्भावित विवादलाई आंकलन गर्दै आवश्यक सहजीकरण गर्दै आएको छ ।

यसअघि नेपालगञ्जमा पनि मोहर्रममा भिडभाड हुने कार्यक्रम स्थगित गरिएको जनाइसकिएको छ ।

प्रकाशित मिति: बिहीबार, भदौ ११, २०७७ २१:३९

प्रतिक्रिया दिनुहोस्