रकम फ्रिज हुनुमा सांसद् राई नै मुख्य जिम्मेवारः मेयर राणा

समाचार

गृहपृष्ठ
समाचार
रकम फ्रिज हुनुमा सांसद् राई नै मुख्य जिम्मेवारः मेयर राणा

रकम फ्रिज हुनुमा सांसद् राई नै मुख्य जिम्मेवारः मेयर राणा

शुक्रबार, भदौ १२, २०७७ बागेश्वरी पोस्ट

नेपालगञ्ज । नेपालगञ्जमा मेयर र सांसद् बीच आरोप प्रत्यारोप चलिरहेको छ । पूर्वमन्त्री एवम् बाँके क्षेत्र नम्बर २ का सांसद् मोहम्मद इस्तियाक राई र नेपालगञ्जका मेयर डा.धवल शमशेर राणाबीच स्थानीय पूर्वाधार साझेदारी कार्यक्रमको १ करोड ५० लाख रकम फ्रिज भएको सम्बन्धमा आरोप प्रत्यारोप चलिरहेको छ ।

केही दिन अघि पत्रकार सम्मेलन गरेर सांसद् राईले उपमहानगरपालिकाकै कारण बजेट फ्रिज भएको बताएपछि मेयर डा.राणाले पनि आज पत्रकार सम्मेलन गरेर स्थानीय पूर्वाधार साझेदारी कार्यक्रमको १ करोड ५० लाख रकम फ्रिज भएको सम्बन्धमा उपमहानगरपालिका नभई सांसद् राई नै मुख्य जिम्मेवार रहेको दावी गर्नुभयो । "संशोधित नियमावलीमा सम्बन्धित स्थानीय तहमा रहेको कोभिड–१९ को ब्यवस्थापनको लागि खोलिएको खातामा रकम जम्मा गर्नका लागि निर्णय नभएकाले स्थानीय तहको प्रकोप ब्यवस्थापन कोषमा सो रकम जम्मा हुन नसकेको हो," मेयर राणाले भन्नुभयो– "असार १४ गते भएको भनिएको निर्णय अनुसार उपकरण खरिदमा कम्तिमा एक महिना लाग्ने भएकाले समय अभावका कारण नसकिने भएकाले कार्यक्रम सञ्चालन नभएको हो, सामग्री खरिद तथा जडानका लागि कार्यक्रम किटान गरी पठाइएकोले समेत सो रकम कोभिड–१९ कोषमा जम्मा गर्नका लागि नपठाइएको स्पष्ट हुन्छ ।"

योजना संशोधन नगरी उपमहानगरपालिकाको प्रकोप व्यवस्थापन खातामा रकम जम्मा हु्नुपर्ने निर्णय हुनुपर्ने राणाले बताउनुभयो । नेपालगञ्जको समग्र विकास निर्माणका लागि हातेमालो र सहकार्य गरी अघि बढ्न उपमहानगरपालिका सदैब तयार रहेको राणाको भनाई छ । पत्रकार भेटघाटमा उपमेयर उमा थापा मगर, प्रमुख प्रशासकीय अधिकृत ओमबहादुर खड्का, वडा अध्यक्ष मो. सफिक वेहना, लेखा अधिकृत लोकेन्द्र रावत लगायत उपस्थित हुनुभएको थियो ।

विस्तृत विज्ञप्तिमा हेर्नुहोस्-