सालालाई अपहरण गरेर फिरौती माग्ने भिनाजु पक्राउ

समाचार

गृहपृष्ठ
समाचार
सालालाई अपहरण गरेर फिरौती माग्ने भिनाजु पक्राउ

सालालाई अपहरण गरेर फिरौती माग्ने भिनाजु पक्राउ

शुक्रबार, भदौ १२, २०७७ बागेश्वरी पोस्ट

नेपालगञ्ज । बाँकेमा सालालाई अपहरण गरेर फिरौती माग्ने भिनाजु पक्राउ परेका छन् । सालालाई अपहरण गरेर ससुरालीसंग १० लाख रुपैयाँ फिरौती मागेका नेपालगञ्ज १६ का कल्लु भन्ने कलिम खाँलाई बाँके प्रहरीले पक्राउ गरेको हो ।

१३ बर्षीय इसहाक जाकिर भन्ने इन्तजार खाँलाई उनले भदौ ९ गते राति साढे ८ बजे माहर्रम हेर्न गएका बेला अपहरण गरेका थिए । सालालाई अपहरण गरेर दुई दिनसम्म घरमै राखेका उनले ससुरालीमा फोन गरेर १० लाख फिरौती मागेको प्रहरीले जनाएको छ ।

बालक अपहरण गरेको भोलिपल्ट खबर पाएको प्रहरीले रातभर अप्रेशन चलाएर उनको उद्दार गरेको जिल्ला प्रहरी कार्यालय बाँकेका प्रमुुख प्रहरी उपरिक्षक ओम बहादुर रानाले बताउनुभयो । ससुरासंग ४ लाख ८५ हजार नगद रहेको थाहा पाएपछि उनले सालालाई अपहरण गरेका थिए ।

प्रकाशित मिति: शुक्रबार, भदौ १२, २०७७ १७:००

प्रतिक्रिया दिनुहोस्