बाँकेमा सशस्त्र प्रहरीसहित २४ जना कोरोना संक्रमित डिष्चार्ज

समाचार

गृहपृष्ठ
समाचार
बाँकेमा सशस्त्र प्रहरीसहित २४ जना कोरोना संक्रमित डिष्चार्ज

बाँकेमा सशस्त्र प्रहरीसहित २४ जना कोरोना संक्रमित डिष्चार्ज

आइतबार, भदौ १४, २०७७ बागेश्वरी पोस्ट

नेपालगञ्ज । बाँकेमा आज थप २४ जना कोरोना संक्रमित निको भई डिष्चार्ज भएका छन् ।

यो संगै बाँकेमा कोरोना संक्रमण निको भई घर फर्कनेको संख्या ७ सय २७ पुगेको छ । आज सशस्त्र गुल्म आइसोलेसन सेन्टरबाट १६ जना, होटल सिटी प्यालेस आइसोलेसनबाट ३ जना, सुशील कोइराला प्रखर क्यान्सर अस्पताल आइसोलेसनबाट २ जना, अतिथि होटल आइसोलेसन कोहलपुरबाट २ जना र होटल इन्द्रेणीबाट १ जना निको भई डिष्चार्ज भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

आज डिष्चार्ज भएका अधिकांश सशस्त्र प्रहरी हुन् । अब आइसोलेसनमा बाँकेका २ सय ५७ र अन्य जिल्लाका १ जना गरी २ सय ५८ जना छन् । बाँकेमा हालसम्म ९ सय ९० जनामा कोरोना पुष्टि हुँदा ६ जनाको भने मृत्यु भएको छ ।

प्रकाशित मिति: आइतबार, भदौ १४, २०७७ ०७:४०

प्रतिक्रिया दिनुहोस्