सामाजिक लोकतन्त्र अध्ययन केन्द्र बाँके गठन, संयोजकमा अधिबक्ता चन्द

समाचार

गृहपृष्ठ
समाचार
सामाजिक लोकतन्त्र अध्ययन केन्द्र बाँके गठन, संयोजकमा अधिबक्ता चन्द

सामाजिक लोकतन्त्र अध्ययन केन्द्र बाँके गठन, संयोजकमा अधिबक्ता चन्द

आइतबार, भदौ १४, २०७७ बागेश्वरी पोस्ट

नेपालगञ्ज । बाँकेमा सामाजिक लोकतन्त्र अध्ययन केन्द्र गठन गरिएको छ । अधिबक्ता बलबहादुर चन्दको संयोजकत्वमा नवगठित कार्यसमितिको सहसंयोजक किरण आचार्य (पूर्व प्रधानाध्यापक, धम्बोझी मावि नेपालगञ्ज), सचिव नवीन गिरी (पत्रकार) र कोषाध्यक्षमा अधिबक्ता प्रभाकर भट्टराई रहनुभएको छ ।

सदस्यहरुमा डा.निर्माण बहादुर शाह (चिकित्सक), ई.विकल अधिकारी, अधिबक्ता केवलसिंह थारु, राकेश कुमार मिश्र (पत्रकार), मिना सिंह (शिक्षक), अधिबक्ता पुनम श्रेष्ठ, धनीराम थापा (प्राध्यापक), सावित्री गिरी (पत्रकार), पद्मा शाही (शिक्षक), रमेश कुमार विसी (शिक्षक) र सरिफ अहमद राई (शिक्षक) रहनुभएको छ ।

त्यस्तै केन्द्रको सल्लाहकारहरुमा अधिबक्ता सुनिल कुमार श्रेष्ठ, ई.किरण बहादुर शाह, गणेश कुमार रेग्मी (पूर्व क्याम्पस प्रमुख, म.ब.क्याम्पस नेपालगञ्ज), अधिबक्ता प्रल्हाद बहादुर कार्की र पोषण केसी (पूर्व महासचिव, नेपाल पत्रकार महासंघ) लाई चयन गरिएको छ ।

सामाजिक लोकतन्त्रका मूल आधारहरु स्वतन्त्रता, समानता, विभेद न्यूनीकरण र आर्थिक–सामाजिक न्याय स्थापनार्थ लोकतान्त्रिक समाजवादको सम्बद्र्धन र प्रबद्र्धन गर्दै आम जनताको जीवनस्तरमा उल्लेख्य बृद्धि संगै समग्र विकासको चाहना पूूरा गर्ने उद्देश्यका साथ २०७१ सालमा काठमाण्डौमा सामाजिक लोकतन्त्र अध्ययन केन्द्रको स्थापना गरिएको हो ।

यसको उद्देश्य पूरा गर्न प्रदेश तथा जिल्लामा संरचना विस्तार गर्ने उद्देश्य अनुरुप सामाजिक लोकतन्त्र अध्ययन केन्द्रको विधान बमोजिम जिल्ला कार्यसमिति चयन गरिएको संयोजक चन्दले बताउनुभयो । वकिल, पत्रकार, चिकित्सक, ईन्जिनियर, प्राध्यापक र शिक्षक यसको सदस्य रहने प्रावधान अनुरुप सबैलाई समेटेर केन्द्रको जिल्ला कार्यसमिति गठन गरिएको उहाँले जानकारी दिनुभयो ।

प्रकाशित मिति: आइतबार, भदौ १४, २०७७ १६:२९

प्रतिक्रिया दिनुहोस्