एनआरएनएको पदाधिकारीहरुको निर्वाचन बिहान १० बजेदेखि हुने

राजनीति

बिहीबार, असोज ३०, २०७६ बागेश्वरी पोस्ट

काठमाडौँ । बुधबार एकाएक स्थगित भएको गैरआवासीय नेपाली संघ (एनआरएनए) को पदाधिकारीहरुको निर्वाचन बिहीबार बिहान १० बजेदेखि हुने भएको छ ।

बुधबार मतदानका लागि लाइनमा बसेका मतदाताहरु निर्वाचन स्थगित भएको खबर पाएसँगै आक्रोशित भएका थिए ।

एनआरएनएका केन्द्रीय पदाधिकारीका लागि बुधबार राति ७ बजेदेखि मतदान गर्ने समय तय भएको थियो । तर, एकाएक स्थगन गरेको निर्णय भएपछि माहौल तनावमय भएको थियो ।

आन्तरिक विवाद चर्किएका कारण मतदान स्थगन भएको कुरा बाहिर आएपनि विद्युतीय मतदान गर्ने भोटिङ मेसिन बिग्रिएको जानकारी गराइएको बताइएको छ ।

प्रकाशित मिति: बिहीबार, असोज ३०, २०७६ ०८:०९

प्रतिक्रिया दिनुहोस्