पत्रकार दामोदर भण्डारीलाई कोरोना

समाचार

गृहपृष्ठ
समाचार
पत्रकार दामोदर भण्डारीलाई कोरोना

पत्रकार दामोदर भण्डारीलाई कोरोना

मंगलबार, भदौ १६, २०७७ बागेश्वरी पोस्ट

नेपालगञ्ज । पत्रकार दामोदर भण्डारीलाई कोरोना भाइरस संक्रमण पुष्टि भएको छ । फ्रन्टलाइनमा खटिएर कोरोना कोरोना भाइरस (कोभिड-१९) को समाचार लेख्दालेख्दै पत्रकार भण्डारी आफैंलाई कोरोना पोजेटिभ देखिएको हो । हिजो विहानदेखि उहाँलाई ज्वरो, रुघाखोकी र श्वासप्रश्वासमा समस्या आएको थियो ।

रेडियो सद्भावका प्रबन्ध निर्देशक, सद्भाव दैनिकका प्रकाशक, सम्पादक तथा सेतोखरी डटकमका अध्यक्ष तथा सम्पादक समेत रहनुभएका भण्डारीलाई हिजो दिउँसोदेखि एक्कासी बढी च्यापेको थियो । 'उहाँलाई उच्च ज्वरो, खोकीका साथै श्वासप्रश्वासमा समस्या देखिएको छ, १ सय १ डिग्रीसम्म ज्वरो आएको छ,' नेपालगञ्ज मेडिकल कलेजका फिजिसियन डा.सुभाष योगीले भन्नुभयो ।

डा.योगीको सल्लाह अनुसार उहाँ आज विहान नेपालगञ्ज मेडिकल कलेज कोहलपुरमा भर्ना हुनुभएको थियो । हिजै पिसिआर टेस्ट गराउनुभएका भण्डारीको आज विहान कोरोना रिपोर्ट पोजेटिभ आएको हो । बागेश्वरी पोष्ट उहाँको शिघ्र स्वास्थ्य लाभको कामना गर्दछ ।

प्रकाशित मिति: मंगलबार, भदौ १६, २०७७ १४:३५

प्रतिक्रिया दिनुहोस्