बाँकेमा ८८ वर्षीय वृद्धसहित २४ जना डिष्चार्ज

समाचार

गृहपृष्ठ
समाचार
बाँकेमा ८८ वर्षीय वृद्धसहित २४ जना डिष्चार्ज

बाँकेमा ८८ वर्षीय वृद्धसहित २४ जना डिष्चार्ज

बिहीबार, भदौ १८, २०७७ बागेश्वरी पोस्ट

नेपालगन्ज । बाँकेमा आज ८८ वर्षीय वृद्धसहित २४ जना कोरोना संक्रमित निको भएर डिष्चार्ज भएका छन् ।

यसमा १७ जना सेना पनि छन् । नेपाली सेनाको कौशिलानगर तालिम केन्द्र आइसोलेसनबाट १७ जना, कृषि तालिम केन्द्र खजुरा आइसोलेसनबाट ५ जना तथा होटल इन्द्रेणी र लायन्स डेण्टल आइसोलेसनबाट १/१ जना निको भएर डिष्चार्ज भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

यो संगै बाँकेमा कोरोना संक्रमणबाट निको हुनेको संख्या ७ सय ८३ पुगेको छ । अब आइसोलेसनमा ३ सय ६ जना छन् । बाँकेमा हालसम्म १ हजार ९५ जनामा कोरोना पुष्टि भएको छ । ६ जनाको भने मृत्युु भइसकेको छ ।

प्रकाशित मिति: बिहीबार, भदौ १८, २०७७ ०७:३८

प्रतिक्रिया दिनुहोस्