भेरीमा प्लाज्मा थेरापीबाट उपचार गरिएका कोरोना विरामीको स्वास्थ्यमा क्रमिक सुधार

समाचार

गृहपृष्ठ
समाचार
भेरीमा प्लाज्मा थेरापीबाट उपचार गरिएका कोरोना विरामीको स्वास्थ्यमा क्रमिक सुधार

भेरीमा प्लाज्मा थेरापीबाट उपचार गरिएका कोरोना विरामीको स्वास्थ्यमा क्रमिक सुधार

बिहीबार, भदौ १८, २०७७ बागेश्वरी पोस्ट

फोटोः भेरी अस्पताल

नेपालगञ्ज । भेरी अस्पतालमा पहिलोपटक प्लाज्मा थेरापी विधिबाट उपचार गरिएका विरामीको स्वास्थ्यमा क्रमिक सुधार आएको छ । कोरोना संक्रमित २९ बर्षीय ती विरामीको अवस्था जटिल बनेपछि प्लाज्मा थेरापी विधिबाट उपचार थालिएको थियो ।

नेपालगञ्ज उपमहानगरपालिका वडा नम्बर १ का अध्यक्ष एवम् प्रबक्ता प्रमोद रिजालले ती विरामीका लागि रगत दिनुभएको थियो । भदौ १३ गते कोरोना भाइरस संक्रमण पहिचान भई भेरी अस्पतालमा उपचाररत २९ बर्षीय पुरुषमा १४ गतेबाट शरीरमा अक्सिजनको मात्रामा कमी आएको थियो । अधिकतम् मात्रामा अक्सिजन दिंदा पनि सुधार भएको थिएन ।

अस्पताले भनेको छ, 'अस्पतालमा कोभिड डेडिकेटेड आइसियु पूर्ण सञ्चालनमा आइनसकेको र अन्यत्र रिफर गर्न पनि सम्भव नभएकोले आइसोलेसन वार्डमै तत्काल CPAP (Continuous Positive Airway Pressure) बाट श्वासप्रश्वास सम्बन्धि व्यवस्थापन गरी गहनरुपमा निगरानीमा राखिएको थियो । बिरामीमा भेरी अस्पतालमै पहिलोपटक भदौ १६ गते प्लाज्मा थेरापी पनि सुरु गरियो । आज उपचारको पाचौं दिनमा उहाँको स्वास्थ्यमा क्रमिक सुधार भइरहेको छ।'

प्रकाशित मिति: बिहीबार, भदौ १८, २०७७ १२:१७

प्रतिक्रिया दिनुहोस्