रुपन्देहीमा कोरोनाबाट ३ जनाको मृत्यु

समाचार

गृहपृष्ठ
समाचार
रुपन्देहीमा कोरोनाबाट ३ जनाको मृत्यु

रुपन्देहीमा कोरोनाबाट ३ जनाको मृत्यु

शुक्रबार, भदौ १९, २०७७ बागेश्वरी पोस्ट

undefined

रुपन्देही । रुपन्देहीमा कोरोनाबाट ३ जनाको मृत्यु भएको छ । बुटवलमा २ जनाको मृत्यु भएको छ भने भैरहवा होम आइसोलेसनमा बसेका एक पुरुषको मृत्यु भएको छ । यो सँगै रुपन्देही जिल्लामा कोरोना संक्रमणका कारण मृत्यु हुनेको संख्या १४ पुगेको छ । रुपन्देहीको सिद्धार्थनगर नगरपालिका वडा नं. ८ का ४५ वर्षका पुरुषको होम आइसोलेसनमै मृत्यु भएको छ । चितवनको भरतपुर क्यान्सर अस्पतालमा उपचार गराउन गएका बेला उनलाई ४ दिन अघि कोरोना संक्रमण पुष्टि भएको थियो । उनको आज बिहान घरमै मृत्यु भएको स्वास्थ्य कार्यालय रुपन्देहीका कोरोना फोकल पर्सन केदारनाथ शाहले जानकारी दिनुभयो । उनी मृगौलाका बिरामी रहेको शाहले बताउनुभयो । आजै बुटवलको एक निजी अस्पताल र धागो कारखानामा रहेको कोरोना बिशेष अस्पतालमा पनि एक–एक जनाको मृत्यु भएको छ । बुटवलको गौतमबुद्ध मुटु अस्पतालमा उपचाररत रुपन्देहीको सिद्धार्थनगर नगरपालिका वडा नं. ७ की ६४ वर्षीया महिलाको मृत्यु भएको हो । भदौ ४ गते अस्पतालमा भर्ना भएकी उनलाई भदौ १६ गते कोरोना संक्रमण पुष्टि भएको थियो । उच्च रक्तचाप, मधुमेह, मृगौला रोग र निमोनियाको समस्या देखिएपछि वृद्धालाई भदौ ४ गतेदेखि नै भेन्टिलेटरको सहायतामा आइसियुमा राखेर उपचार गरिएको अस्पतालले जारी गरेको प्रेस विज्ञप्तिमा उल्लेख छ । आज बिहानै बुटवल उपमहानगरपालिका वडा नं. ८ का ७८ वर्षका पुरुषको पनि मृत्यु भएको थियो । बुटवलको कोरोना अस्पतालमा उनको मृत्यु भएको हो । भदौ ४ गते अस्पताल भर्ना भएका उनको भेन्टिलेटरको सहायतामा आइसियुमा उपचार गर्दा गर्दै मृत्यु भएको कोरोना अस्पतलका फोकल पर्सन डा.सुर्दशन थापाले जानकारी दिनुभयो । उनीसँगै कोरोना अस्पतालमा मृत्यु हुनेको संख्या ९ पुगेको छ भने लुम्बिनी प्रदेशिक अस्पतालमा ३ जनाको मृत्यु भएको रेकर्ड छ ।

प्रकाशित मिति: शुक्रबार, भदौ १९, २०७७ १६:२७

प्रतिक्रिया दिनुहोस्