बाँकेमा थप एक जनाको कोरोनाबाट मृत्यु, मृतकको संख्या ७ पुग्यो

समाचार

गृहपृष्ठ
समाचार
बाँकेमा थप एक जनाको कोरोनाबाट मृत्यु, मृतकको संख्या ७ पुग्यो

बाँकेमा थप एक जनाको कोरोनाबाट मृत्यु, मृतकको संख्या ७ पुग्यो

आइतबार, भदौ २१, २०७७ बागेश्वरी पोस्ट

सांंकेतिक तस्बिर

नेपालगन्ज । बाँकेमा कोरोनाबाट थप एक जनाको मृत्यु भएको छ। कोरोनाबाट मृत्यु हुनेमा नेपालगन्ज उपमहानगरपालिका वडा नम्बर ९ का ५९ बर्षका पुरुष रहेका छन् ।

भदौ १२ गते स्वास्थ्यमा समस्या आएपछि १३ गते उनको स्वाबको जाँच गर्दा भदौ १५ गते पोजेटिभ रिपोर्ट आएर उनी आफै न्यू इन्द्रेणी होटेलको सेल्फ पेड आइसोलेसनमा बसेका थिए।

आइसोलेसनमै बसेको अवस्थामा उनलाई स्वास्थ्यमा गम्भीर समस्या आएर भदौ १८ गते नेपालगन्ज मेडिकल कलेज शिक्षण अस्पताल कोहलपुरमा लगेर उपचार सुरु गरिएको थियो। स्वास्थ्यमा गम्भीर समस्या हुँदै गर्दा उपचारका क्रममा मुटुको रक्त नली बन्द भएकाले उनको आइतबार साझँ ८:३० मा मृत्यु भएको हो।

मृतक नेपालगन्ज उपमहानगरपालिकाका कर्मचारी हुन् । यो संगै बाँकेमा कोरोनाबाट मृत्यु हुनेको संख्या ७ पुगेको छ।