बाँकेको खजुरा गाउँपालिकामा पाँच दिन निषेधाज्ञा

समाचार

गृहपृष्ठ
समाचार
बाँकेको खजुरा गाउँपालिकामा पाँच दिन निषेधाज्ञा

बाँकेको खजुरा गाउँपालिकामा पाँच दिन निषेधाज्ञा

सोमबार, भदौ २२, २०७७ बागेश्वरी पोस्ट

नेपालगञ्ज । बाँकेको खजुरा गाउँपालिकामा निषेधाज्ञा जारी गरिएको छ । कोरोना संक्रमणको दर बढ्दै गएपछि त्यसको रोकथाम र नियन्त्रणका लागि गाउँपालिका क्षेत्रमा पाँच दिनका लागि निषेधाज्ञा जारी गरिएको हो ।

गाउँ कार्यपलिकाको आज बसेको बैठकले गरेको सिफारिसका आधारमा आज राति १२ बजेदेखि भदौ २७ गते राति १२ बजेसम्मका लागि निषेधाज्ञा जारी गरिएको प्रमुख जिल्ला अधिकारी रामबहादुर कुरुम्बाङले बताउनुभयो । नेपालगञ्ज-गुलरिया सडकखण्डको कपास विकास समितिदेखि विपी प्रतिक्षालयसम्म र सो सडकको दायाँबायाँ ५ सय मिटरसम्म पर्ने सबै वडामा लागू हुने गरी निषेधाज्ञा जारी गरिएको छ ।

यो अवधिमा अत्यावश्यक सेवा बाहेक सबै निषेध गरिएको जिल्ला प्रशासन कार्यालयद्वारा जारी सूचनामा उल्लेख छ ।