बाँके जिल्ला अदालतबाट जेल सजाय पाएका फरार अपराधी पक्राउ

समाचार

गृहपृष्ठ
समाचार
बाँके जिल्ला अदालतबाट जेल सजाय पाएका फरार अपराधी पक्राउ

बाँके जिल्ला अदालतबाट जेल सजाय पाएका फरार अपराधी पक्राउ

बुधबार, भदौ २४, २०७७ बागेश्वरी पोस्ट

सांकेतिक तस्बिर

नेपालगन्ज । बाँकेमा १२ बर्ष जेल सजाय पाएर फरार भएका एक जना प्रतिबादीलाई प्रहरीले पक्राउ गरेको छ। २०७२ चैत्र १० गते जिल्ला अदालत बाँकेले गौवध मुद्दामा १२ बर्ष कैद सजाय फैसला सुनाएपनि फरार रहँदै आएका अलि हुसेन तेलीलाई इलाका प्रहरी कार्यालय धनौली खजुराको टोलीले पक्राउ गरेको हो । खजुरा गाउँपालिका वडा नम्बर ७ का ३१ वर्षको कुन्ने तेली भनिने अलि हुसेन तेलीलाई पक्राउ गरी जिल्ला अदालत उपस्थित गराईएको प्रहरीले जानकारी दिएको छ । लुकिछिपी बस्दै आइरहेका तेलीलाई खोजतलासको क्रममा प्रहरीले खजुरा गाउपालिका ७ बाट नियन्त्रणमा लिएको हो । यस्तै खजुरा गाँउपालिका ८ का २५ वर्षिय कनउ खाँ र सोही ठाँउ बस्ने २६ वर्षिय बब्लु भन्ने मोहम्मद सफिक खाँलाई समेत प्रहरीले पक्राउ गरेको छ। उनीहरु दुबै जना चोरी मुद्धाका फरार अपराधी हुन् । उनिहरुलाई प्रहरीले खजुरा गाँउपालिका वडा नम्बर ८ रनियापुरबाट पक्राउ गरेको हो।

प्रकाशित मिति: बुधबार, भदौ २४, २०७७ १७:४५

प्रतिक्रिया दिनुहोस्