पन्नालाल गुप्त 'चाचाजी'को ९२ औं जन्मजयन्ति आइतबार मनाइने

समाचार

गृहपृष्ठ
समाचार
पन्नालाल गुप्त 'चाचाजी'को ९२ औं जन्मजयन्ति आइतबार मनाइने

पन्नालाल गुप्त 'चाचाजी'को ९२ औं जन्मजयन्ति आइतबार मनाइने

शुक्रबार, भदौ २६, २०७७ बागेश्वरी पोस्ट

नेपालगञ्ज । वरिष्ठ पत्रकार प्रेस स्वतन्त्रता सेनानी स्व. पन्नालाल गुप्त 'चाचाजी'को भोलि ९२ औं जन्मजयन्ति । नेपालगञ्जमा शुक्रबार र शनिवार निषेधाज्ञा लगाइएका कारण गुप्तको जन्मजयन्ति आइतबार मात्र मनाइने भएको हो । किरण साप्ताहिक र प्रेस स्वतन्त्रता सेनानी पन्नालाल गुप्त प्रतिष्ठानद्वारा महेन्द्र पुस्तकालयमा श्रद्धाञ्जली सभा गरिने भएको छ । नेपाल प्रेस युनियन बाँकेका संस्थापक अध्यक्ष गुप्तको गत माघ १५ गते निधन भएको थियो । यसअघि नेपाल प्रेस युनियन बाँकेको संयोजनमा जन्मदिन मनाइँदै आइएको थियो । नेपाल पत्रकार महासंघ बाँकेका पुर्व सभापति समेत रहनुभएका गुप्तले झण्डै ४ दशक अघिदेखि नेपालगन्जबाट साप्ताहिक किरण प्रकाशन र सम्पादन गर्दै आउनुभएको थियो । प्रेस स्वतन्त्रता सेनानी गुप्तले लोकतन्त्र र प्रेस स्वतन्त्रताका लागि पत्रकारिताको माध्यमबाट महत्वपुर्ण योगदान दिएको भन्दै दुई वर्ष अघि नागरिक अभिनन्दन गरिएको थियो । यसैबीच प्रेस स्वतन्त्रता सेनानी पन्नालाल गुप्त प्रतिष्ठान गठन गरिएको छ । प्रतिष्ठानको संरक्षकमा स्व. गुप्तकी धर्मपत्नी कमलादेवी गुप्ता रहनुभएको छ । स्व. गुप्तका जेष्ठ सुपुत्र विजय कुमार गुप्ताको अध्यक्षतामा ११ सदस्यीय कार्यसमिति निर्माण गरिएको हो । प्रतिष्ठानको उपाध्यक्षमा अजय गुप्ता, महासचिवमा शुक्रऋषि चौलागाई र कोषाध्यक्षमा शालु गुप्ता रहनुभएको छ । यस्तै सदस्यहरुमा सचिदानन्द चौवे, प्रभाकर मिश्रा, रामकुमार गुप्ता, सन्तोष रेग्मी, अर्जुन वली, मो. आरिफ अन्सारी र सुनिल गुप्ता रहनुभएको छ । यस्तै सल्लाहकार समितिमा किशोर नेपाल, सनत रेग्मी, धर्मेन्द्र झा, नयनराज पाण्डे, दिनेशमणि त्रिपाठी, हेमन्त कर्माचार्य, श्यामानन्दसिंह ठकुरी, सन्तोष कनोडिया, झलक गैरे, जयनारायण शाह र राकेश कुमार सोनी रहनुभएको छ । प्रतिष्ठानले अक्षय कोष निर्माण, छात्रवृत्ति लगायतका रचनात्मक कार्यहरु गर्ने जनाइएको छ ।

प्रकाशित मिति: शुक्रबार, भदौ २६, २०७७ १८:३६

प्रतिक्रिया दिनुहोस्