अध्यक्ष बेहनाको पहलमा कब्रिस्तानमा हाईमास्ट लाइट जडान हुँदै

समाचार

गृहपृष्ठ
समाचार
अध्यक्ष बेहनाको पहलमा कब्रिस्तानमा हाईमास्ट लाइट जडान हुँदै

अध्यक्ष बेहनाको पहलमा कब्रिस्तानमा हाईमास्ट लाइट जडान हुँदै

शनिबार, भदौ २७, २०७७ बागेश्वरी पोस्ट

नेपालगन्ज । नेपालगन्जको वडा नम्बर ४ मा रहेको कब्रिस्तानमा हाईमास्ट लाइट जडान हुने भएको छ । आज नेपालगन्ज उपमहानगरपालिकाका मेयर डा. धवल शमशेर राणाले वडा नम्बर ४ को शाबा कब्रिस्तानको हाईमास्ट लाइट जडान हुने स्थानमा शिलान्यास गर्नुभएको हो । वडा नम्बर ४ का अध्यक्ष मो. सफिक बेहनाको पहलमा नेपालगन्ज उपमहानगरपालिकाले करिब ९ लाख रुपैयाँ लागत पर्ने हाईमास्ट लाईट जडान गर्ने भएको छ । कब्रिस्तान र कब्रिस्तानको बाहिरी सडक बाटोमा समेत रातको समयमा पनि उज्यालो आउने भएका कारण सबैलाई उक्त लाइट जडानले फाइदा पुग्ने अध्यक्ष बेहनाले बताउनुभयो । अध्यक्ष बेहनाका अनुसार उक्त हाईमास्ट लाइट जडान कार्य एक महिनाभित्रै पूरा हुने भएको छ । आज भएको शिलान्यास कार्यक्रममा मेयर डा.राणा, प्रदेश ५ सभा सदस्य याकुब अन्सारी, वडा अध्यक्ष बेहना लगायत अन्य मुस्लिम अगुवा तथा बुद्धिजिबीको उपस्थिति रहेको थियो।

प्रकाशित मिति: शनिबार, भदौ २७, २०७७ १६:४९

प्रतिक्रिया दिनुहोस्