बाँकेमा फेरि १५ थपिए, एकै दिन ५५ जनामा कोरोना

समाचार

गृहपृष्ठ
समाचार
बाँकेमा फेरि १५ थपिए, एकै दिन ५५ जनामा कोरोना

बाँकेमा फेरि १५ थपिए, एकै दिन ५५ जनामा कोरोना

शनिबार, भदौ २७, २०७७ बागेश्वरी पोस्ट

नेपालगन्ज । बाँकेमा आज एकै दिन ५५ जना कोरोना संक्रमित थपिएका छन् । दिउँसो ४० जनामा कोरोना संक्रमण पुष्टि भएकोमा साँझ फेरि १५ जनामा कोरोना पुष्टि भएको हो ।

भेरी अस्पतालमा गरिएको परिक्षणमा पहिलो लटमा ३५ जना र बागेश्वरी डायग्नोष्टिक ल्याबमा गरिएको परिक्षणमा ५ जनामा कोरोना पुष्टि भएको थियो भने भेरीमा दोस्रो लटमा नेपालगञ्जका १३ जना र खजुराका २ जना गरी १५ जनामा कोरोना पुष्टि भएको हो । यस्तै आज मालपोत कार्यालय नेपालगन्जका ८ जना कर्मचारी र ७ जना सेवाग्राही गरी १५ जना, नेपालगन्जका १४ जना, कोहलपुरका ४ जना, राप्तीसोनारी गाउँपालिकाका १ जना, जिल्ला प्रहरी कार्यालय बाँकेका १ जना, भेटेरिनरी कार्यालय नेपालगन्जका १ जना, बर्दिया स्थायी ठेगाना भएका २ तथा दाङ र संखुवासभा ठेगाना भएका १/१ जनामा कोरोना पुष्टि भएको थियो ।

यो संगै बाँकेमा कोरोना संक्रमितको संख्या १ हजार ४ सय १९ पुगेको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । हालसम्म ९ सय ८५ जना निको भएका छन् । ८ जनाको भने मृत्यु भइसकेको छ । भेरीमै गरिएको परिक्षणमा बर्दिया ठाकुरबाबाका २ जनामा पनि कोरोना देखिएको छ ।

प्रकाशित मिति: शनिबार, भदौ २७, २०७७ २०:२५

प्रतिक्रिया दिनुहोस्