जिल्ला प्रहरी कार्यालय दाङ अगाडी हवल्दारमाथी चक्कु प्रहार

समाचार

गृहपृष्ठ
समाचार
जिल्ला प्रहरी कार्यालय दाङ अगाडी हवल्दारमाथी चक्कु प्रहार

जिल्ला प्रहरी कार्यालय दाङ अगाडी हवल्दारमाथी चक्कु प्रहार

आइतबार, भदौ २८, २०७७ बागेश्वरी पोस्ट

घोराही (दाङ )। होटल साहुनीको चक्कु प्रहारबाट प्रहरी हवल्दार घाइते भएका छन् । जिल्ला प्रहरी कार्यालय घोराहीमा कार्यरत प्रहरी हवल्दार ४० बर्षीय खड्गबहादुर खत्री होटेल साहुनीको चक्कु प्रहारबाट घाइते भएको प्रहरीले जानकारी दिएको छ । प्रहरी अनुसार घटना शनिवार बेलुकाको ७ बजेतिर घटेको हो। जिल्ला प्रहरी कार्यालय घोराहीको गेट अगाडि होटेल गरि बस्ने ती महिलाले आफ्नै होटेलमा ती प्रहरी हवल्दारलाई शरिरका विभिन्न भागमा चक्कु प्रहार गरि घाइते तुल्याएको छिन् । चक्कु प्रहारबाट प्रहरी हवल्दारको टाउको लगाएत शरिरका विभिन्न भागमा काटिएको छ। घाइतेको राप्ती स्वास्थ्य विज्ञान प्रतिष्ठानमा उपचार पछि जिल्ला प्रहरी कार्यालयको थुनुवा कक्षमा थुनेर राखिएको छ । मदिरा सेवन पछि प्रहरी हवल्दारले होटेल साहुनीलाई जिस्क्याउन खोज्दा घटना भएको हुन सक्ने आशंका गरिएको छ । प्रहरीले चक्कु प्रहार गर्ने होटेल साहुनी, अर्का एकजना व्यक्ति र घाइते प्रहरी हवल्दार गरि ३ जनालाई प्रहरीले नियन्त्रणमा लिएको छ । जिल्ला प्रहरी कार्यालय दाङले घटनाबारे अनुसन्धान भइरहेको जानकारी दिएको छ।

प्रकाशित मिति: आइतबार, भदौ २८, २०७७ १२:३६

प्रतिक्रिया दिनुहोस्