बाँकेका तीन पालिकालाई बी–ग्रुपद्वारा सहयोग सामग्री प्रदान

समाचार

गृहपृष्ठ
समाचार
बाँकेका तीन पालिकालाई बी–ग्रुपद्वारा सहयोग सामग्री प्रदान

बाँकेका तीन पालिकालाई बी–ग्रुपद्वारा सहयोग सामग्री प्रदान

बुधबार, भदौ ३१, २०७७ बागेश्वरी पोस्ट

नेपालगञ्ज । कोभिड–१९ नियन्त्रण तथा रोकथामका लागि भेरी वातावरणीय विशिष्टता समूह (बी–ग्रुप) ले बाँके जिल्लाका तीन वटा गाँउपालिकालाई सहयोग सामग्री उपलब्ध गराएको छ ।

राप्तीसोनारी गाउँपालिकालाई १६ हजार सर्जिकल मास्क, १८ थान पिपिई, ५ सय लिटरको २८ वटा पानी टैंक, ३ हजार ४ सय ८० वटा सावुन र सचेतनामूलक होर्डिङ्ग बोर्ड ९ वटा, नरैनापुर गाउँपालिकालाई १२ हजार ५ सय सर्जिकल मास्क, १२ थान पिपिई, ५ सय लिटरको ३० वटा पानी टैंक, ३ हजार ६ सय ६० वटा सावुन र सचेतनामूलक होर्डिङ्ग बोर्ड ६ वटा र डुडुवा गाउँपालिकालाई १२ हजार ८ सय २५ सर्जिकल मास्क, १२ थान पिपिई, ५ सय लिटरको २० वटा पानी टैंक, २ हजार ४ सय ४० वटा सावुन र सचेतनामूलक होर्डिङ्ग बोर्ड ६ वटा उपलब्ध गराएको बी–ग्रुपका परियोजना संयोजक रामनिवास यादवले बताउनुभयो ।

नरैनापुरमा गाउँपालिकाका अध्यक्ष इस्तियाक अहमद शाह र निमित्त प्रमुख प्रशासकीय अधिकृत विजय कुमार यादव, राप्तीसोनारीमा विपद् फोकल पर्सन जनक बहादुर थारु र डुडुवामा शिक्षा शाखाका सन्तोष गुप्तालाई सामग्री हस्तान्तरण गरिएको थियो । ती सामग्री गाउँपालिका अन्तरगत् रहेका स्वास्थ्य चौकी, वडा कार्यालय, क्वारेनटाइन, आइसोलेसन विद्यालय र सार्वजनिक स्थलहरुमा स्थापना गरी कोभिड नियन्त्रण र रोकथामका लागि प्रयोग गरिनेछ । यो कार्यक्रम गाउँपालिकाको सहकार्य, एडब्लुओ इन्टरनेशनल र एडिएचको आर्थिक सहयोगमा भेरी वातावरणीय विशिष्टता समूह (बी–ग्रुप) ले बाँकेले सञ्चालन गरिरहेको छ ।

प्रकाशित मिति: बुधबार, भदौ ३१, २०७७ १७:५६

प्रतिक्रिया दिनुहोस्