कोरोना संक्रमणबाट नेपालगन्जका ४५ वर्षीय पुरुषको मृत्यु

समाचार

गृहपृष्ठ
समाचार
कोरोना संक्रमणबाट नेपालगन्जका ४५ वर्षीय पुरुषको मृत्यु

कोरोना संक्रमणबाट नेपालगन्जका ४५ वर्षीय पुरुषको मृत्यु

बिहीबार, असोज १, २०७७ बागेश्वरी पोस्ट

नेपालगन्ज, असोज १ । कोरोना संक्रमणबाट नेपालगन्जका एक पुरुषको मृत्यु भएको छ । नेपालगन्ज उपमहानगरपालिका वडा नम्बर १ का ४५ वर्षीय पुरुषको आज साँझ सवा ५ बजे मृत्यु भएको हो । स्वास्थ्यमा समस्या भएपछि ती पुरुष भदौ २९ गते नेपालगन्ज मेडिकल कलेज शिक्षण अस्पताल नेपालगन्जमा भर्ना भएका थिए । उनको ३० गते कोरोना परिक्षणका लागि स्वाब लिइएको थियो । ३१ गते रिपोर्ट पोजिटिभ आएको थियो । स्वास्थ्य अवस्था झनै बिग्रेर भेन्टिलेटरको समेत आवश्यकता परेपछि उनलाई त्यसै दिन राति पौने १२ बजे भेरी अस्पतालमा रहेको कोभिड विशेष आइसोलेसनमा भर्ना गरिएको थियो । गम्भीर अवस्थामा रहेका उनको उपचारकै क्रममा मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । उनको दुवै फोक्सोमा निमोनिया भएको चिकित्सकले बताएका छन् । यो सँगै बाँकेमा कोरोना भाइरस संक्रमणबाट मृत्यु हुनेको संख्या ९ पुगेको छ । यसअघि नेपालगन्जका ५ जना, नरैनापुर, बैजनाथ र कोहलपुरका १/१ जनाको मृत्यु भएको थियो । हालसम्म नेपालगन्जका मात्रै ६ जनाको मृत्युु भएको छ ।

प्रकाशित मिति: बिहीबार, असोज १, २०७७ १८:५७

प्रतिक्रिया दिनुहोस्