संविधान दिवसमा योग सचेतनासँगै परिक्रमा

समाचार

गृहपृष्ठ
समाचार
संविधान दिवसमा योग सचेतनासँगै परिक्रमा

संविधान दिवसमा योग सचेतनासँगै परिक्रमा

शनिबार, असोज ३, २०७७ बागेश्वरी पोस्ट

नेपालगञ्ज । योग समिति नेपालले नागरिक सचेतना कार्यक्रमको तिव्रतासँगै व्यापक र प्रभावकारी पनि बनाउँदै लगेको छ ।

नेपालगञ्जका सार्वजनिक स्थानहरुमा नियमित योगसँगै नागरिकलाई सचेतना दिंँदै आएको योग समितिले संविधान दिवसका अवसरमा आज जिल्लाका स्थानीय तहको परिक्रमा गरेको छ । योग समितिका केन्द्रिय अध्यक्ष गिरिराज भट्टराईको संयोजकत्वमा विहान नेपालगञ्ज उपमहानगरपालिका वडा नम्बर २ देखि बाँके आरोग्य एवं स्वास्थ्य सचेत नागरिक योग विज्ञान कार्यक्रम गरिएको हो ।

राष्ट्रिय झण्डा, व्यानरसहित मोटरसाइकलमा निस्किएको योग समिति पदाधिकारी, योग अभियन्ताको टोली धम्वोजीदेखि जानकी गाउंँपालिका, खजुरा गाउँपालिका, बैजनाथ गाउँपालिका, कोहलपुर नगरपालिका, राप्तीसोनारी गाउँपालिका हुँदै पुन: नेपालगन्ज उपमहानगरपालिकाको ट्रफिक चोक हुँदै त्रिभुवन चोक, न्युरोडबाट योग समिति नेपालको केन्द्रिय कार्यलय सेतु विक चोकमा पुगी कार्यक्रमको समापन गरिएको थियो ।

योग समितिका अध्यक्ष एवं योग गुरु भट्टराईले योग सचेतनासँगै संस्थागत विकासका लागि पनि आवश्यक पहल गर्न सम्वद्ध सबैमा अपिल गर्नुभयो । योग समितिका सल्लाहकार नन्दलाल वैश्य, राजन रानामगर, प्रहरी निरिक्षक अरुण सिंह, उपाध्यक्ष लोक माया सुवेदी, सचिव निर्मला शाह, कोषाध्यक्ष अम्बिका कोइराला, आजीवन सदस्य पुर्णचन्द्र सुवेदी लगायतका अभियन्ताले कार्यक्रमको समापन गर्नुभएको थियो ।

प्रकाशित मिति: शनिबार, असोज ३, २०७७ २१:२७

प्रतिक्रिया दिनुहोस्