बाँकेमा कोरोना संक्रमित कैदीबन्दीको मृत्यु

समाचार

गृहपृष्ठ
समाचार
बाँकेमा कोरोना संक्रमित कैदीबन्दीको मृत्यु

बाँकेमा कोरोना संक्रमित कैदीबन्दीको मृत्यु

सोमबार, असोज ५, २०७७ बागेश्वरी पोस्ट

नेपालगन्ज । बाँकेमा कोरोना भाइरस संक्रमणबाट कैदीबन्दीको मृत्यु भएको छ । सुर्खेतको गुर्भाकोट ४ सहारेका ५८ बर्षीय कैदीबन्दीको भेरी अस्पताल नेपालगन्जमा उपचारका क्रममा मृत्यु भएको स्वास्थ्य कार्यालय बाँकेका कोभिड-१९ फोकल पर्सन नरेश श्रेष्ठले जानकारी दिनुभयो । दमको विरामी रहेकाले श्वासप्रश्वासमा जटिल समस्या रहेका ती कैदीबन्दीलाई उपचारका लागि सुर्खेत कारागारबाट नेपालगन्ज कारागारमा सारिएको थियो । कर्तव्य ज्यान मद्दामा उनले कारागारमा सजाय भुक्तान गरिरहेका थिए । उनको भदौ २१ गते स्वाव लिइएको थियो । सोही दिन उनलाई कोरोना भाइरस संक्रमण पुष्टि भएको थियो । २२ गते अस्पताल भर्ना भएका उनको आज विहान ६ बजेर २५ मिनेटमा मृत्यु भएको हो । यो सँगै बाँकेमा कोरोनाबाट मृत्यु हुनेको संख्या ११ पुगेको छ । त्यस्तै बाँके जिल्लामा बाहिर जिल्लाबाट आएर उपचारका क्रममा मृत्यु हुनेको संख्या भने ४ पुगेको छ । यस अघि कैलाली, अछाम र अर्घाखाँचीका १/१ जनाको मृत्यु भएको थियो ।

प्रकाशित मिति: सोमबार, असोज ५, २०७७ ०८:४०

प्रतिक्रिया दिनुहोस्