नरैनापुरको प्रमुख प्रशासकीय अधिकृतमा शाही

समाचार

गृहपृष्ठ
समाचार
नरैनापुरको प्रमुख प्रशासकीय अधिकृतमा शाही

नरैनापुरको प्रमुख प्रशासकीय अधिकृतमा शाही

सोमबार, असोज ५, २०७७ बागेश्वरी पोस्ट

शाहीलाई स्वागत गर्दै अध्यक्ष शाह

नरैनापुर(बाँके) । नरैनापुर गाउँपालिकामा सरुवा भएर आउनुभएका प्रमुख प्रशासकीय अधिकृत महेन्द्रजंग शाहीले कार्यभार सम्हाल्नुभएको छ ।

आइतबारदेखि कार्यभार सम्हाल्नुभएका प्रमुख प्रशासकीय अधिकृत शाहीलाई गाउँपालिकाले एक कार्यक्रमका बीच स्वागत गरेको छ । गाउँपालिकाका अध्यक्ष इस्तियाक अहमद शाहको अध्यक्षतामा भएको स्वागत कार्यक्रममा प्रशासन तथा योजना शाखा प्रमुख विजय कुमार यादव र सूचना अधिकारी लक्ष्मीकान्त मिश्रले स्वागत मन्तब्य व्यक्त गर्दै आफूहरु नयाँ अभिभावकसंग काम गर्न उत्साहित भएको बताउनुभयो ।

प्रमुख प्रशासकीय अधिकृत शाहीले नरैनापुर पहिले जस्तो विकट नभएको भन्दै नरैनापुरलाई अब उत्पादन र रोजगारीसंग जोड्न जरुरी रहेको बताउनुभयो । शाहीले सबै मिलेर काम गर्दा राम्रो परिणाम दिन सकिने उल्लेख गर्नुभयो । गाउँपालिकाका अध्यक्ष शाहले जनप्रतिनिधि र कर्मचारीबीच समन्वय तथा कर्मचारीबीच एकता हुँदा मात्र जनअपेक्षा अनुसार काम गर्न सकिने बताउनुभयो । जनतालाई छिटो छरितो सेवा प्रवाह गर्दै विकास पथमा गाउँपालिकालाई लम्काउन सवै प्रतिबद्ध हुनुपर्नेमा जोड दिनुभयो ।

जिन्सी शाखा प्रमुख भरत महतोले सहजीकरण गर्नुभएको कार्यक्रममा वडा नम्बर २ का अध्यक्ष मसुद अहमद शाह, वडा नम्बर ४ का अध्यक्ष दिनेश प्रसाद शर्मा, ६ का अध्यक्ष विरेन्द्रपाल सिंह लगायत सबै शाखा प्रमुख, कर्मचारी लगायतको उपस्थिति थियो । शाही यसअघि बैजनाथ गाउँपालिकामा हुनुहुन्थ्यो ।

यसैबीच अध्यक्ष शाह, प्रमुख प्रशासकीय अधिकृत शाही, जिन्सी शाखा प्रमुख महतोले आइतबार नै ६ वटै वडा कार्यालयको अनुगमन गर्नुभएको छ ।

प्रकाशित मिति: सोमबार, असोज ५, २०७७ १३:०७

प्रतिक्रिया दिनुहोस्