बर्दियाका कोरोना संक्रमित ३९ बर्षीय वडा अध्यक्षको नेपालगञ्जमा मृत्यु

समाचार

गृहपृष्ठ
समाचार
बर्दियाका कोरोना संक्रमित ३९ बर्षीय वडा अध्यक्षको नेपालगञ्जमा मृत्यु

बर्दियाका कोरोना संक्रमित ३९ बर्षीय वडा अध्यक्षको नेपालगञ्जमा मृत्यु

बुधबार, असोज ७, २०७७ बागेश्वरी पोस्ट

सांंकेतिक तस्बिर

नेपालगन्ज । बर्दियाका कोरोना संक्रमित ३९ बर्षीय वडा अध्यक्षको आज भेरी अस्पताल नेपालगञ्जमा उपचारका क्रममा मृत्यु भएको छ ।

दुबै फोक्सोमा निमोनिया भएका बारबर्दिया नगरपालिका ३ बनियाभारका ती पुरुषको भेरी अस्पताल नेपालगञ्जमा विहान साढे १० बजे मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । उनी सोही वडाको वडाध्यक्ष रहेको श्रेष्ठले जानकारी दिनुभयो ।

कोभिडको आशंकामा भदौ २८ गते उनको बर्दियाबाट स्वाब संकलन गरी राप्ती स्वास्थ्य विज्ञान प्रतिष्ठान दाङमा परिक्षण गर्दा रिपोर्ट नेगेटिभ आएको थियो । तर, उनको स्वास्थ्य जटिल समस्या आएका कारण भदौ २९ गते भेरी अस्पतालमा भर्ना गरी त्यसै दिन स्वाब लिइएको थियो ।

भोलिपल्ट पोजिटिभ रिपोर्ट आएपछि उनलाई रेम्डीसिभिर चलाइनुका साथै असोज ४ गतेदेखि भेन्टिलेटरमा राखेर उपचार गरिएको थियो । स्वास्थ्य अवस्था झनै जटिल बनेपछि आज उनको मृत्यु भएको हो । यो संगै बाहिरी जिल्लाबाट बाँकेमा आई उपचारका क्रममा मृत्यु हुनेको संख्या ५ पुगेको छ ।

प्रकाशित मिति: बुधबार, असोज ७, २०७७ ११:४९

प्रतिक्रिया दिनुहोस्