गौतमको मनोनयन विरूद्ध सर्वाेच्च अदालतले दियो अन्तरिम आदेश

राजनीति

गृहपृष्ठ
राजनीति
गौतमको मनोनयन विरूद्ध सर्वाेच्च अदालतले दियो अन्तरिम आदेश

गौतमको मनोनयन विरूद्ध सर्वाेच्च अदालतले दियो अन्तरिम आदेश

बुधबार, असोज ७, २०७७ बागेश्वरी पोस्ट

नेपालगन्ज । नेकपा उपाध्यक्ष वामदेव गौतमलाई राष्ट्रियसभा सदस्यमा गरिएको मनोनयन विरूद्ध सर्वाेच्च अदालतले अन्तरिम आदेश जारी गरेको छ।

गौतमको मनोनयन संविधान विपरीत रहेकाे भन्दै वरिष्ठ अधिवक्ता दिनेश त्रिपाठीले दायर गरेको रिटमा बुधबार सुनुवाइ गर्दै न्यायाधीश डा.आनन्दमोहन भट्टराईको एकल इजलासले अन्तरिम आदेश जारी गरेको हो।

सर्वोच्चको यस आदेशपछि गौतमलाई सरकारले मन्त्री नियुक्त गर्नेलगायत अन्य संवैधानिक जिम्मेवारी दिन पाउने छैन ।

'वर्तमान संविधान जारी भएपछि यस्तो प्रकृतिको संवैधानिक विवाद पहिलो पटक यस अदालतमा प्रस्तुत गरिएकोबाट यसको निरुपण संविधानवाद, सार्वभौम जनताप्रतिको उत्तरदायित्त्व, लोकतान्त्रिक विधि, सुशासन, संवैधानिक नीति एवं संवैधानिक नैतिकताका सिद्धान्त समेतलाई दृष्टिगत गरी दीर्घकालसम्म स्थायी संवैधानिक मान्यता कायम हुने गरी गरिनुपर्ने हुन्छ । तसर्थ विषयवस्तुको गाम्भीर्य एवं संवैधानिक महत्त्वलाई दृष्टिगत गर्दै प्रस्तुत विवादमा अन्तरिम आदेश हुने वा नहुने विषयको टुंगो नलागेसम्म थप संवैधानिक जिम्मेवारी दिने, लिने कार्य नगर्नू, नगराउनू' अन्तरिम आदेशमा भनिएको छ ।

प्रकाशित मिति: बुधबार, असोज ७, २०७७ १८:१५