आज देशभर १५७३ संक्रमित थपिए, ८ सय ८५ डिस्चार्ज

समाचार

गृहपृष्ठ
समाचार
आज देशभर १५७३ संक्रमित थपिए, ८ सय ८५ डिस्चार्ज

आज देशभर १५७३ संक्रमित थपिए, ८ सय ८५ डिस्चार्ज

आइतबार, असोज ११, २०७७ बागेश्वरी पोस्ट

नेपालगन्ज । गत २४ घण्टामा नेपालमा १ हजार ५ सय ७३ जनामा कोरोना संक्रमण पुष्टि भएको छ । १० हजार १ सय २३ को पीसीआर गर्दा आज १ हजार ५ सय ७३ जनामा कोरोना पुष्टि भएको हो ।

यो सँगै संक्रमितको संख्या ७३ हजार ३ सय ९४ पुगेको छ । जसमध्ये अहिले देशभर १९ हजार ९ सय १९ सक्रिय संक्रमित छन् ।

त्यस्तै, गत पछिल्लो २४ घण्टामा ८ सय ८५ जना कोरोना संक्रमणमुक्त भएका छन् । योसँगै कोरोनामुक्त हुनेको संख्या ५३ हजार ८ सय ९८ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता प्रा.डा. जागेश्वर गौतमका अनुसार अहिले देशभर ६ हजार २ सय ८१ जना क्वारेन्टाइनमा बसेका छन् । आइतबार १० संक्रमितको मृत्यु भएको मन्त्रालयले जनाएको छ । योसँगै मृतकको संख्या चार सय ७७ पुगेको छ ।

प्रकाशित मिति: आइतबार, असोज ११, २०७७ १७:१९