जाजरकोटकी कोरोना संक्रमित महिलाको बाँकेमा मृत्यु

समाचार

गृहपृष्ठ
समाचार
जाजरकोटकी कोरोना संक्रमित महिलाको बाँकेमा मृत्यु

जाजरकोटकी कोरोना संक्रमित महिलाको बाँकेमा मृत्यु

सोमबार, असोज १२, २०७७ बागेश्वरी पोस्ट

सांंकेतिक तस्बिर

नेपालगञ्ज । जाजरकोटकी कोरोना संक्रमित महिलाको बाँकेमा आज मृत्यु भएको छ ।

जुनीजाँदे गाउँपालिका वडा नम्बर ५ गर्खाकोटकी ७६ बर्षीया महिलाको आज दिउँसो सवा २ बजे नेपालगञ्ज मेडिकल कलेज कोहलपुरमा उपचारका लागि पुग्नै लाग्दा हृदयाघात भई मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो ।

कोभिडको आशंकामा असोज ५ गते स्वाब संकलन गरी परिक्षण गर्दा ६ गते उनमा कोरोना पुष्टि भएको थियो । त्यसपछि उनलाई होम आइसोलेसनमा राखिएको थियो । ती महिलाले विगत केही समयदेखि पित्तथैलीको उपचार गराइरहेको पारिवारिक स्रोतलाई उद्धृत गर्दै श्रेष्ठले बताउनुभयो ।

आज मेडिकल कलेज कोहलपुरको आइसोलेसनमा उपचारका लागि ल्याउने क्रममा अकस्मात हृदयाघात भएपछि मृत्यु भएको अस्पतालले पुष्टि गरेको छ । यो संगै बाँकेमा बाहिरी जिल्लाबाट उपचारका लागि आएका ७ जनाको मृत्यु भएको छ ।

प्रकाशित मिति: सोमबार, असोज १२, २०७७ १६:२१

प्रतिक्रिया दिनुहोस्