डिएसपी शाहीको सक्रियतामा नेपालगन्ज २० बाट हराएका चार जना बालक फेला परे

समाचार

गृहपृष्ठ
समाचार
डिएसपी शाहीको सक्रियतामा नेपालगन्ज २० बाट हराएका चार जना बालक फेला परे

डिएसपी शाहीको सक्रियतामा नेपालगन्ज २० बाट हराएका चार जना बालक फेला परे

सोमबार, कात्तिक २५, २०७६ बागेश्वरी पोस्ट

कोहलपुर । नेपालगन्ज उपमहानगरपालिका वडा नम्बर २० मनिकापुर थपुवाबाट हराएका ४ जना बालकहरुलाई एक हप्ता पछि प्रहरीले फेला पारेको छ।

कार्तिक १७ गते राती ८ बजे घरबाट निस्किएर हराएका १५ वर्षीय दिनेश बुढा क्षेत्री, दिनेश बुढा, १३ वर्षीय रमेश अधिकारी र १२ वर्षीय महेश बुढालाई बर्दियाको जमुनी प्रहरीले फेला पारी इलाका कोहलपुर कार्यालय कोहलपुरमा बुझाएको कोहलपुर प्रहरी प्रमुख डिएसपी हेम बहादुर शाहीले बताउनुभयो।

"बालकहरु हराइसकेपछि घरका आफन्तहरुले दुई दिन पछि मात्रै खबर गर्नुभयो, बालकहरुको सवाल भएकोले निबेदन दर्ता हुने बित्तिकै ढिला नगरी हामिले खोजी अभियान जारी गरेका हौ, " डिएसपी शाहीले बताउनुभयो। सबैभन्दा पहिला हामिले बालकहरुको तस्बिर नेपालगन्ज, बर्दिया, दाङ लगायतका प्रहरी कार्यालयमा सर्कुलर गरेका थियौ।

आइतबर बर्दियाको जमुनी प्रहरीले ईलाका प्रहरी कार्यालय कोहलपुरलाई तस्बिर अनुसारका ४ जना बालकहरु फेला परेको खबर गरेको थियो। आइतबारनै सबै जना बालकलाई कोहलपुर ल्याइ घर परिवारको जिम्मा लगाइएको डिएसपी शाहीले बताउनुभयो।हराएका चारै जना बालकहरु घरबाट निस्किएर रुपैडिहामा दुई सम्म काम गरेर केही पैसा बटुली जमुनीमा काम पाइने भन्दै त्यस तर्फ गएर उतै बस्दा उनिहरुलाई जमुनी प्रहरीले फेला पारेको कोहलपुरका प्रहरी निरीक्षक सन्तोश रोकाले बताउनुभयो।

जिम्मा लगाइएका बालकहरुलाई अब आइन्दा यस्तो गलत कार्य नगर्न सम्झाई बुझाई गरेको डिएसपी शाहीले जानकारी दिनुभयो।

प्रकाशित मिति: सोमबार, कात्तिक २५, २०७६ ०७:०४

प्रतिक्रिया दिनुहोस्