राप्तीसोनारीको वडा नंं ८ मा १५३ जेष्ठ नागरिकलाई न्यानो कम्बल वितरण

समाचार

गृहपृष्ठ
समाचार
राप्तीसोनारीको वडा नंं ८ मा १५३ जेष्ठ नागरिकलाई न्यानो कम्बल वितरण

राप्तीसोनारीको वडा नंं ८ मा १५३ जेष्ठ नागरिकलाई न्यानो कम्बल वितरण

बिहीबार, असोज १५, २०७७ बागेश्वरी पोस्ट

राप्तीसोनारी(बाँके)। राप्तीसोनारी गाउँपालिकाको वडा नम्बर ८ ले जेष्ठ नागरिकलाई न्यानो कम्बल बितरण गरेको छ।

अंतरराष्ट्रीय जेष्ठ नागरिक दिबसको अबसरमा आज राप्ती सोनारी गाउँपालिका वडा नम्बर ८ ले वडा भित्रका १५३ जना जेष्ठ नागरिकलाई न्यानो कम्बल बितरण गरेको हो । कम्बल वितरण कार्यक्रममा बोल्दै वडा अध्यक्ष खुम बहादुर बस्नेतले सदैब आफ्ना अग्रज र जेष्ठ नागरिकको सम्मान गर्न पाउदा अति खुशी लागेको बताउनुभयो। सबैले आफ्ना बाबाआमालाई जस्तै जेष्ठहरुलाई आदर र सम्मान गर्ने सस्कार बसाल्नु पर्ने अध्यक्ष बस्नेतले बताउनुभयो ।

त्यस्तै कार्यक्रममा वडा सदस्य सदस्य बिरमान खड्काले कसैका बाबुआमा बृदा आश्रमको सहारा लिन नपर्ने बाताबरण बनाउनुपर्ने कुरा बताउनुभयो। यसको उचित ब्यबस्थापन र जिम्मेवारी राज्यले लिनै पर्ने कुरा खड्काले भन्नुभयो। यता कार्यक्रममा बिशेष कारणबस उपस्थित हुन नसकेपनि कार्यपालिका सद्स्य नैना कुमारी खत्रीले जेष्ठ नागरिकलाई सम्मान गर्दै कम्बल वितरण गर्न पाउदा आफू धेरै खुशी भएको बताउनुभयो।

कम्बल वितरण कार्यक्रमा जेष्ठ नागरिकलाई गरिएको सम्मान प्रती सबै स्थानीयहरुले वडाको प्रशंंसा गरेका थिए। कम्बल वितरण कार्यक्रममा जनप्रतिनिधि लगायत स्थानीयहरुको सहभागिता रहेको थियो।

प्रकाशित मिति: बिहीबार, असोज १५, २०७७ १९:०४

प्रतिक्रिया दिनुहोस्