"काेराेनालाई हल्कारुपमा नलिनुहोस्, आफूलाई परेपछि थाहा हुन्छ"

समाचार

गृहपृष्ठ
समाचार
"काेराेनालाई हल्कारुपमा नलिनुहोस्, आफूलाई परेपछि थाहा हुन्छ"

"काेराेनालाई हल्कारुपमा नलिनुहोस्, आफूलाई परेपछि थाहा हुन्छ"

शनिबार, असोज १७, २०७७ बागेश्वरी पोस्ट

निशा पुरी थापा/नेेेेपालगन्ज

कथा काेराेनाकाे, भाेगाई मेरो......

काेराेना कहर र लकडाउन शुरु भएदेखि म खासै कहीँ जाँदिनथे । जानै परे स्वास्थ्यका सबै मापदण्ड पूरा गरेर जान्थे । म स्वयं ब्याक्टेरिया, भाइरसकै बारेमा पढेकाे र बुझेकाे मान्छे र अरुलाई पनि तिनैकाे बारेमा पढाउने मान्छे, सजक नहुने त कुरै थिएन ।

तर, भदाेै २७ गते बेलुका अाफूलाई असजिलाे महसुस भयाे र स्बाब टेष्ट गर्दा भाेलिपल्ट काेराेना संक्रमण पुष्टि भयाे । त्यसपछि आइसाेलेसनमा बसेँ । खासै लक्षण नदेखिए पनि हल्का ज्वराे, खाेकी, जिउ दुख्ने, नाकले गन्ध र जिब्राेले स्वाद नपाउने र अलि दुख चाहिँ पखालाले दियाे । म खासै नडराउने मान्छे । जीवनमा जे परे पनि सहन सक्छु भन्ने मनाेबल छ, सायद त्यही कारणले काेराेना नै डरायाे जस्ताे छ । मलाई भएकाे केही दिनमा श्रीमानलाई बेस्सरी ज्वराे याे, जिउ दुख्याे, लगातार सुख्खा खाेकी लाग्न थाल्याे र जाँच गराउँदा संक्रमण देखियाे । औषधि खाँदा पनि लक्षणमा कुनै कमी नभएपछि डर पनि लाग्न थाल्याे.......लाग्न थाल्याे काेराेना त्यति सामान्य पनि हाेइन रैछ ।

बच्चाहरुमा नि हल्का ज्वराे र खाेकी देखियाे । जाँच गर्दा दुबै छाेराहरुमा पनि संक्रमण देखियाे । उता श्रीमानकाे स्वास्थ्यमा सुधार नहुनु र यता बच्चा हरुमा संक्रमण देखिनु, अाफू पनि बिस्तारै गल्दै जानु हिम्मत र मनाेबल कम गर्न पर्याप्त थियाे । तर, भगवानकाे कृपा, परिवारजन, साथीभाई र सबै शुभचिन्तकहरुकाे कामना, हाैसला, साथ र सहयाेगले त्याे असहज परिस्थितिलाई पार गर्न सक्याैं । आज हामी सबै परिवार स्वस्थ छाैं ।

धन्यवाद सबैलाई..........काेराेनाकाे कारण विरामी हुनुभएका सम्पूर्णमा शिध्र स्वास्थ लाभकाे कामना । मनाेबल उच्च राख्नुहोस्, राेगलाई जित्न सकिन्छ । दिवंगतहरुप्रति हार्दिक श्रद्धाञ्जली । परिवारजनलाई धैर्यधारण गर्ने शक्ति मिलाेस् । बाँकि राेग नलागेकाहरु सचेत बन्नुहोस्, राेग लागे त्यति सजिलाे छैन । काेराेनालाई हल्कारुपमा नलिनुहोस् ।

आफ्नाे र आफ्नाे परिवारकाे सुरक्षाकाे जिम्मेवारी तपाईंकाे नै हाे । काेराेना केही हाेइन, भ्रम हाे भन्नेहरुलाई चाहिँ लागेपछि थाहा हुन्छ भन्न चाहन्छु (तर नलागाेस्) ।

थापा भेरी अस्पतालका मेडिकल सुपरिटेण्डेण्ट डा.प्रकाश थापाकी श्रीमती हुनुहुन्छ ।

प्रकाशित मिति: शनिबार, असोज १७, २०७७ १०:५८

प्रतिक्रिया दिनुहोस्