कंचनपुरकी कोरोना संक्रमित सुत्केरी महिलाको कोहलपुरमा मृत्युु

समाचार

गृहपृष्ठ
समाचार
कंचनपुरकी कोरोना संक्रमित सुत्केरी महिलाको कोहलपुरमा मृत्युु

कंचनपुरकी कोरोना संक्रमित सुत्केरी महिलाको कोहलपुरमा मृत्युु

आइतबार, असोज १८, २०७७ बागेश्वरी पोस्ट

नेपालगन्ज । बाँकेमा उपचाररत कंचनपुरकी कोरोना संक्रमित २९ वर्षीया सुत्केरी महिलाको मृत्युु भएको छ ।

महेन्द्रनगर २ घर भएकी ती महिलाको नेपालगन्ज मेडिकल कलेज कोहलपुरमा आज विहान साढे ४ वजे उपचारका क्रममा मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो । उनलाई असोज १३ गते कोरोना पुष्टि भएको थियो । असोज १५ गते उनी नेपालगन्ज मेडिकल कलेज कोहलपुरमा भर्ना भएकी थिइन् ।

सेती अस्पतालमा जुम्ल्याहा बच्चालाई जन्म दिएकी ती महिलाको रक्तश्राव नरोकिएपछि पाठेघरको शल्यक्रिया गरिएको थियो । तर, उपचारका क्रममा स्वाब लिई परिक्षण गर्दा कोरोना देखिएपछि उनलाई कोहलपुर रेफर गरिएको थियो । भर्ना गर्दा उनी बेहोस अवस्थामा थिइन् ।

यो संगै बाँकेमा वाहिरी जिल्लाका उपचारका लागि आएका ९ जनाको कोरोनाबाट मृत्यु भएको छ ।

प्रकाशित मिति: आइतबार, असोज १८, २०७७ ०७:५३

प्रतिक्रिया दिनुहोस्