प्रदेश ५ को प्रस्तावित नाम र राजधानी यथाशिघ्र पारित गर्न बाँके कांग्रेसको माग

समाचार

गृहपृष्ठ
समाचार
प्रदेश ५ को प्रस्तावित नाम र राजधानी यथाशिघ्र पारित गर्न बाँके कांग्रेसको माग

प्रदेश ५ को प्रस्तावित नाम र राजधानी यथाशिघ्र पारित गर्न बाँके कांग्रेसको माग

आइतबार, असोज १८, २०७७ बागेश्वरी पोस्ट

नेपालगञ्ज । नेपाली कांग्रेस बाँकेले प्रदेश ५ को प्रस्तावित नाम र राजधानी रहने स्थान प्रदेशसभाबाट यथाशिघ्र पारित गरी कार्यान्वयनमा लैजान माग गरेको छ । प्रदेश सरकारले प्रदेशको नाम लुम्बिनी र दाङको भालुवाङलाई स्थायी राजधानी बनाउन प्रदेशसभामा पेश गरेको प्रस्ताव यथाशिघ्र पारित गर्न बाँके कांग्रेसले विज्ञप्ति मार्फत् जोडदार माग गरेको हो ।

नेपाली कांग्रेस बाँकेकी सभापति किरण कोइरालाले आज एक विज्ञप्ति निकालेर प्रस्तावित नाम र स्थानलाई प्रदेश सभाबाट यथाशिघ्र पारित गरी कार्यान्वयनमा लैजान माग गर्नुभएको हो । बाँके जिल्लाका जनताको भावना नसमेटिएपनि भौगोलिक हिसाबले सबै जिल्लाको पायक पर्ने स्थानलाई छनौट गरिएको भन्दै बाँके कांग्रेसले यसलाई सकारात्मक रुपमा लिएको विज्ञप्तिमा उल्लेख छ ।

'अहिले यस क्षेत्रका जनताको व्यापक दवाबका कारण प्रदेशको नाम लुम्बिनी र राजधानी दाङको देउखुरी भालुवाङमा राख्ने प्रस्ताव गरिएको छ,’ विज्ञप्तिमा भनिएको छ-'कांग्रेस बाँकेले पटक–पटक साबिक मध्यपश्चिम क्षेत्रको औद्योगिक स्थलको रुपमा परिचित नेपालगञ्जलाई प्रदेश ५ को राजधानी बनाउन सरकारका सम्बन्धित निकायहरुमा डेलिगेसनसहित माग राखी दवावमूलक कार्यक्रमहरु सञ्चालन गरेपनि सुनुवाई नगरी षड्यन्त्रपूर्वक दिनहरु व्यतित गरिएको थियो ।'

प्रकाशित मिति: आइतबार, असोज १८, २०७७ २०:२३

प्रतिक्रिया दिनुहोस्