राजधानी बुटवलबाट दाङ सार्ने कार्यको विरोधमा उत्रिनुहोस : कांग्रेस नेता खाण

राजनीति

गृहपृष्ठ
राजनीति
राजधानी बुटवलबाट दाङ सार्ने कार्यको विरोधमा उत्रिनुहोस : कांग्रेस नेता खाण

राजधानी बुटवलबाट दाङ सार्ने कार्यको विरोधमा उत्रिनुहोस : कांग्रेस नेता खाण

सोमबार, असोज १९, २०७७ बागेश्वरी पोस्ट

नेपाली कांग्रेस संसदीय दलका प्रमुख सचेतक बालकृष्ण खाण

नेपालगन्ज । नेपाली कांग्रेस संसदीय दलका प्रमुख सचेतक बालकृष्ण खाणले प्रदेश ५ को राजधानी बुटवल नै राख्नुपर्ने बताएका छन्। उनले राजधानी बुटवलबाट दाङ सार्ने सरकारको निर्णयविरुद्ध आन्दोलनमा उत्रिन जनतालाई आग्रह समेत गरेका छन्।

सोमबार विज्ञप्ति जारी गर्दै नेता खाणले राजधानी सार्ने प्रस्तावको विरोधमा भइरहेका शान्तिपूर्ण विरोधमा धरपकड गरिएको भन्दै आपत्ति जनाएका छन्। प्रदेश सरकारले राजनीतिक पुर्वाग्रह राखि राजधानी सार्न खोज्नु आपत्तिजनक र रुपन्देहीवासीको भवाना विपरित रहेका उनको भनाइ छ ।

उनले जारी गरेको विज्ञप्तिमा भनिएको छ, 'लोकतान्त्रिक मूल्य र मान्यताको उपहास हुने गरी निषेधाज्ञा जारी गर्ने, आमनागरिकमा डर त्रास भय सिर्जना गर्ने र धरपकड गरी गिरफ्तार गर्ने जस्ता कार्य गरेर सरकारले गैरलोकतान्त्रिक चरित्र प्रदर्शन गरेको छ'।

‘बुटवलमा प्रदेशको राजधानी सहजतापूर्वक सञ्चालन भइरहेको र प्रदेशका लागि आवश्यक भौतिक पूर्वाधार पनि बनिरहेका छन् । त्यस्तै गौतमबुद्ध अन्तर्राष्ट्रिय विमानस्थलको निर्माण कार्य समेत अन्तिम चरणमा रहेको छ भने अन्तर्राष्ट्रिय सम्मेलन केन्द्रको समेत निर्माण हुँदैछ । थप भौतिक पूर्वाधार निर्माण गर्न ज्यादै ठूलो बजेट नलाग्ने र आर्थिक भार पनि नहुने विषयलाई प्रदेश सरकारले नजरअन्दाज गरेकोमा दुःख व्यक्त गर्दछु,’ विज्ञप्तिमा भनिएको छ।