प्रदेश ५ को प्रदेशसभा बैठक कांग्रेसद्वारा अवरुद्ध

राजनीति

गृहपृष्ठ
राजनीति
प्रदेश ५ को प्रदेशसभा बैठक कांग्रेसद्वारा अवरुद्ध

प्रदेश ५ को प्रदेशसभा बैठक कांग्रेसद्वारा अवरुद्ध

सोमबार, असोज १९, २०७७ बागेश्वरी पोस्ट

नेपालगञ्ज । प्रदेश ५ को प्रदेशसभा बैठक अवरुद्ध भएको छ । सत्तारुढ दल नेकपासँग भएको छलफलमा सहमति नजुटेपछि प्रमुख प्रतिपक्षी दल कांग्रेसले बैठक अवरुद्ध गरेको हो ।

कांग्रेसले सोमबार बिहान सरकारले ल्याएको प्रस्ताव केही दिनलाई रोकेर सबै पक्षसँग छलफलपछि मात्रै अघि बढाउन आग्रह गरेको थियो । सो प्रस्तावमा नेकपाले असहमति जनाएपछि काँग्रेसले प्रदेशसभा बैठकमा नाराबाजी गर्दै अवरुद्ध पारेको हो । संसद्मा नेपाली काग्रेससँगै फोरम सांसद्हरुले पनि नाराबाजी गरेका छन् । नेपाली कांग्रेस संसदीय दलका नेता विरेन्द्र कनौडियाले ताहाशाही जस्तो शैलीमा ल्याइएको प्रस्ताव अमान्य भएको बताउनुभयो ।

प्रदेश राजधानी जहाँ भएपनि त्यसको औचित्य पुष्टि गर्नुपर्ने कनोडियाले बताउनुभयो । उहाँले सर्वसहमतिबाट जारी गर्न सक्ने अवस्था रहँदारहँदै दुई तिहाईको देखाउने काम भएको आरोप लगाउनुभयो । नेपाली कांग्रेस र फोरमको विरोधपछि २ बजे सम्मका लागि बैठक स्थगित गरिएको छ । बैठक अझै शुरु हुन सकेको छैन ।

सरकारले दाङलाई प्रदेश राजधानी बनाउने गरी प्रदेशसभामा प्रस्ताव लगेपछि बुटवल पक्षधरहरु आक्रोशित बनेका छन् ।

प्रकाशित मिति: सोमबार, असोज १९, २०७७ १५:१६

प्रतिक्रिया दिनुहोस्