दाङको पक्षमा मतदान गर्न सांसदलाई नेकपाको ह्वीप

राजनीति

गृहपृष्ठ
राजनीति
दाङको पक्षमा मतदान गर्न सांसदलाई नेकपाको ह्वीप

दाङको पक्षमा मतदान गर्न सांसदलाई नेकपाको ह्वीप

सोमबार, असोज १९, २०७७ बागेश्वरी पोस्ट

बुटवल । सत्तारुढ दल नेपाल कम्युनिष्ट पार्टी (नेकपा) ले प्रदेश ५ को राजधानी दाङको पक्षमा मतदान गर्न ह्वीप जारी गरेको छ ।

सोमबार बिहान नेकपा प्रदेश ५ को संसदीय दलको बैठकले दाङलाई प्रशासनिक र बुटवललाई आर्थिक तथा पर्यटकीय राजधानी बनाउने प्रस्ताव लैजाने निर्णय गरेको छ ।

बुटवललाई नै प्रदेश राजधानी बनाउनुपर्ने माग गर्दै नेकपा सांसदहरु विभाजित हुन थालेपछि नेकपाले ह्विप जारी गर्ने निर्णय गरेको नेकपाको प्रदेश ५ का प्रमुख सचेतक भूमिश्वर ढकालले जानकारी दिए । बुटवलबाट प्रदेश राजधानी सारेको विषयमा सत्तापक्ष र प्रतिपक्षी दलले आन्दोलन चर्काएको छ ।

नेकपा महासचिव विष्णु पौडेलले बुटवलबाट राजधानी सार्ने निर्णय पुर्नविचार गर्न अध्यक्षद्वय केपी शर्मा ओली र पुष्पकमल दाहाल प्रचण्डसँग आग्रह गरेका छन् । मुख्यमन्त्री शंकर पोखरेलले दाङ नै प्रदेशको स्थायी राजधानी हुने बताउँदै आएका छन् ।

प्रकाशित मिति: सोमबार, असोज १९, २०७७ १५:१६

प्रतिक्रिया दिनुहोस्