प्रदेश ५ को प्रदेशसभाको बैठक भोलिसम्मका लागि स्थगित

राजनीति

गृहपृष्ठ
राजनीति
प्रदेश ५ को प्रदेशसभाको बैठक भोलिसम्मका लागि स्थगित

प्रदेश ५ को प्रदेशसभाको बैठक भोलिसम्मका लागि स्थगित

सोमबार, असोज १९, २०७७ बागेश्वरी पोस्ट

नेपालगन्ज । प्रदेश ५ को प्रदेशसभाको बैठक भोलिसम्मका लागि स्थगित भएको छ । प्रदेश सरकारले पेश गरेको भालुवाङ स्थायी राजधानी राख्ने प्रस्तावमाथि छलफल सुरु भएर केही सांसदले भाग लिएपछि सभामुख पूर्णबहादुर घर्तीले भोलि दिँउसो १ बजेसम्म बैठक स्थगित गरेका हुन्।

आन्तरिक मामिला तथा कानुन मन्त्री कुलप्रसाद केसीले प्रदेशको स्थायी राजधानी भालुवाङ र प्रदेशको नाम लुम्बिनी राख्ने प्रस्ताव पेश गरेका थिए।

उनले उक्त प्रस्ताव पेश गरेसँगै विपक्षी कांग्रेसका सांसदले तोडफोड गरेका थिए। उनीहरुले लुम्बिनी नै स्थायी राजधानी हुुनुपर्ने माग राख्दै विपक्षी सांसदहरुले बैठक कक्षमा नाराबाजी गर्दै टेबुल कुर्सी भाँचेका हुन्।

उक्त कार्यमा कांग्रेसका वसिउद्धिन खान, वैजनाथ कलवारलगातका सांसदहरु सहभागी छन्। यसअघि आजै कांग्रेसको विरोधका कारण पहिलो बैठक रोकिएको थियो।

प्रकाशित मिति: सोमबार, असोज १९, २०७७ १७:१०

प्रतिक्रिया दिनुहोस्