कांग्रेसका १० नेताको एक स्वरः प्रदेश ५ को राजधानी दाङको भालुवाङमै उपयुक्त

समाचार

गृहपृष्ठ
समाचार
कांग्रेसका १० नेताको एक स्वरः प्रदेश ५ को राजधानी दाङको भालुवाङमै उपयुक्त

कांग्रेसका १० नेताको एक स्वरः प्रदेश ५ को राजधानी दाङको भालुवाङमै उपयुक्त

सोमबार, असोज १९, २०७७ बागेश्वरी पोस्ट

नेपालगञ्ज । नेपाली कांग्रेसका ८ जना केन्द्रीय सदस्यसहित १० जना नेताले प्रदेश ५ को राजधानी दाङको भालुवाङमै उपयुक्त हुने भन्दै प्रदेश ५ को प्रदेशसभामा पेश भएको प्रस्तावलाई समर्थन गरेका छन् ।

केन्द्रिय सदस्यहरु दीपक गिरी, किशोरसिंह राठौर, पार्वता डिसी चौधरी, शिला खड्का, गोपाल दहित, मंगलप्रसाद थारु, योगेन्द्र चौधरी, कृष्ण किशोर घिमिरे, बर्दिया जिल्ला सभापति सञ्जय गौतम र रोल्पा जिल्ला सभापति अमर सिंह पुनले आज विज्ञप्ति निकालेर प्रदेश ५ को राजधानी दाङमै उपयुक्त रहेको उल्लेख गर्नुभएको छ ।

सरकारी विज्ञ टोलीको सिफारिस, समन्यायिक विकास, प्राकृतिक स्रोतको न्यायिक वितरण, जनमतको कदर र संघियताको मर्म र भावना अनुसार प्रदेश ५ का सबै नागरिकलाई पायक पर्ने र सामरिक दृष्टिले पनि उपयुक्त भएकाले भालुवाङ राजधानी बनाउन आफूहरुको समर्थन रहेको उहाँहरुले बताउनुभएको छ ।

'यस विषयलाई कुनै पनि राजनीतिक दल तथा नेताहरुले व्यक्तिगत प्रतिष्ठाको विषय नबनाई जनतालाई उत्तेजित बनाउने कार्य कहीँ कतैबाट गर्न गराउन नहुने राष्ट्रिय परिस्थिति रहेको छ,’ आज जारी विज्ञप्तिमा भनिएको छ । उहाँहरुले प्रदेश राजधानीको विषय प्रदेशसभाले विवादरहित ढंगले यथाशिघ्र टुंग्याउने अपेक्षा रहेको पनि उल्लेख गर्नुभएको छ ।

प्रकाशित मिति: सोमबार, असोज १९, २०७७ २०:३९

प्रतिक्रिया दिनुहोस्