दाङको विपक्षमा मतदान गर्न कांग्रेसको ह्विप

राजनीति

गृहपृष्ठ
राजनीति
दाङको विपक्षमा मतदान गर्न कांग्रेसको ह्विप

दाङको विपक्षमा मतदान गर्न कांग्रेसको ह्विप

मंगलबार, असोज २०, २०७७ बागेश्वरी पोस्ट

बुटवल । नेपाली कांग्रेसले प्रदेश ५ को स्थायी राजधानी दाङ देउखुरीको विपक्षमा मतदान गर्न आफ्ना सांसदलाई ह्विप जारी गरेको छ।

प्रदेश सरकारले संसदमा पेश गरेको प्रस्तावका विपक्षमा मतदान गर्ने निर्णय भएको विपक्षी दल कांग्रेसका नेता वीरेन्द्रकुमार कनौडियाले बताए। उनले सरकारको प्रस्तावको विपक्षमा मतदान गर्ने निर्णय भएको बताए। नामका बारेमा भने कांग्रेसको असहमति नरहेको उनले बताए।

नेपाली कांग्रेसका १९ जनामध्ये १३ जना साविक लुम्बिनी अञ्चलका छन् भने ६ जना साविक राप्ती र भेरी अञ्चलका हुन्।

मंगलबार बस्ने प्रदेश सभा बैठकमा मतदान प्रक्रियाबाट राजधानी तोक्ने निर्णय हुन सक्ने भएकोले दाङ देउखुरीको विपक्षमा मतदान गर्न कांग्रेस संसदीय दलले ह्विप लगाएको हो।

प्रकाशित मिति: मंगलबार, असोज २०, २०७७ ०९:५१

प्रतिक्रिया दिनुहोस्