राजधानी र नामा‌ंकनबारे प्रदेश सभामा मतदान हुँदै

राजनीति

गृहपृष्ठ
राजनीति
राजधानी र नामा‌ंकनबारे प्रदेश सभामा मतदान हुँदै

राजधानी र नामा‌ंकनबारे प्रदेश सभामा मतदान हुँदै

मंगलबार, असोज २०, २०७७ बागेश्वरी पोस्ट

नेपालगन्ज । प्रदेश ५ को राजधानी र नामा‌ंकनबारे मंगलवार प्रदेश सभामा मतदान हुँदैछ । मतदानका लागि प्रदेश सभाको बैठक अहिले बस्दैछ । सरकारले शुक्रवार प्रदेश सभामा प्रदेशको नाम लुम्बिनी र राजधानी दाङको देउखुरी राख्ने प्रस्ताव पेश गरेको थियो ।
प्रस्तावमाथि सोमवार प्रदेश सभामा सैद्धान्तिक छलफल सकेर संशोधनका लागि १८ घण्टाको समय दिइएको थियो । प्रदेशको राजधानी दाङ बनाउने प्रस्तावमा २ वटा नाममा एउटा संशोधन प्रस्ताव दर्ता भएको छ ।
नेपाली कांग्रेसकी सांसद पुष्पा थरुनीले बुटवललाई नै स्थायी राजधानी तोकियोस् भन्ने संशोधन प्रस्ताव दर्ता गरेकी छन् । कांग्रेसकै अर्का सांसद रमा अर्यालले प्रदेशको स्थायी राजधानी तोक्न वैकल्पिक प्रस्ताव दर्ता गराएकी छन् ।
उनले नवलपरासी, पाल्पा र कपिलवस्तु समेतलाई समेटेर राजधानी तोक्नुपर्ने प्रस्ताव गरेकी छन् ।
प्रदेशको राजधानी सार्ने विषयलाई लिएर हिजो प्रदेश सभामा कांग्रेस सांसदले कुर्सी र माइक भाँचेपछि तनाव भएको थियो ।

प्रकाशित मिति: मंगलबार, असोज २०, २०७७ १२:५२

प्रतिक्रिया दिनुहोस्